Flash News

Italia ashpërson rregullat për qarkullimin e monopatinave

E pazakontë për kohën, mjegulla e dendur mbulon bregdetin e Vlorës

Aksident në aksin Shkodër -Lezhë, një i vdekur e 3 të plagosur

Berisha uron Trump për pavarësinë e SHBA-ve: Kremtim që vjen pas fitores mbi regjimin e Ajatollave

Trafikonin armë nga Kosova drejt Shqipërisë, dy të arrestuar, sekuestrohen 8 pistoleta

KRYESORE

Foto nga vendi i ngjarjes/ Identifikohen dy viktimat në Vlorë, u qëlluan për vdekje me armë zjarri te Uji i Ftohtë

Politiko 17 Shkurt 2019, 13:27

Identifikohen dy viktimat dhe personi tjetër që mbeti i plagosur si pasojë e të shtënave me breshëri automatiku pak minuta më parë në Vlorë.

Ngjarja ka ndodhur  në rrugën Dhimitër Konomi, te zona e Ujit të Ftohtë.

Siç raporton ‘News 24’, të vdekur kanë mbetur dy të rinj të identifikuar si Aurest Rexho dhe Arjan Hasani, ndërsa i plagosuri është Armando Sulejmani.

Nuk dihen ende shkaqet e ngjarjes, ndërsa mësohet se viktimat u qëlluan nga një automjet në ecje. Po ashtu, edhe viktimat po lëviznin njëkohësisht me një makinë tjetër.

Në vendin e ngjarjes janë konstatuar shumë gëzhoja të shpërndara në rrugë dhe trotuar, duke nënkuptuar se atentatorët shkrehën të gjithë armën e duke mos kursyer asnjë plumb ndaj viktimave dhe të plagosurit.

Nga ana tjetër, policia ka raportuar se disa kilometra më tutje është gjetur e djegur një automjet, që mendohet se u përket autorëve të krimit.

Njoftimi i policisë:

Pak minuta më parë në lagjen “Ujë i Ftohtë”, Vlorë, kanë mbetur të vrarë dyshohet me armë zjarri 2 shtetas dhe 1 tjetër u plagos, në rrethana ende të paqarta.

Një grup i posaçëm hetimor u ngrit menjëherë dhe po punon për sqarimin e rrethanave dhe identifikimin e ndalimin e personave të implikuar në ngjarje. Për shkak të hetimeve nuk mund të bëhen të ditura detaje të tjera.

Të fundit