Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Foto/ Sherri për një gërvishtje makine në “Don Bosko”, kush është autori që plagosi me thikë 34-vjeçarin

Politiko 21 Gusht 2017, 09:58

Pas sherrit të një dite më parë në “Don Bosko” të  Tiranës për një gërvishtje makine, ku për pasojë mbeti i plagosur një 34-vjeçar, janë publikuar foto të autorit.

Ngjarja ndodhi në rrugën “Don Bosko”, rreth orës 10:15 të mëngjesit të djeshëm, në sy të dhjetëra kalimtarëve që u kthyen në dëshmitar të sulmit të frikshëm me thikë. Ishin ata që lajmëruan Policinë në numrin e emergjencave dhe fatmirësisht vetëm pak metra larg vendngjarjes ndodhej patrulla e Komisariatit nr.3 që u vu në ndjekje të autorit.

Burime zyrtare të Policisë thanë se autori i dyshuar i plagosjes është shtetasi Besnik Kolndreu, 29 vjeç, banues në Tiranë.

Ndërsa i plagosuri është 34-vjeçari Spartak Mançe, i cili ndodhet në reanimacionin e Spitalit të Traumës, nën terapi intensive. Ai i është nënshtruar një ndërhyrjeje kirurgjikale që ka zgjatur disa orë dhe sipas mjekëve gjendja e tij vijon të jetë kritike, por e stabilizuar shkruan "Panorama". Policia tha se në vendin e ngjarjes ka gjetur edhe armën e krimit, një thikë e madhe që është përdorur nga autori.

“Besnik Kolndreu, 29 vjeç, banues në Tiranë, rreth orës 10:15, në rrugën ‘Don Bosko’, ka qëlluar me mjet prerëse shtetasin, Spartak Mançe, 34 vjeç, i cili ndodhet në SQU-të, nën kujdesin e mjekëve. Nga hetimet paraprake është mësuar se këta dy shtetas janë konfliktuar për motive të dobëta. Grupi hetimor po punon për sqarimin e plotë të rrethanave të këtij konflikti”, tha dje zyrtarisht Policia e Tiranës. Sipas deklarimeve që kanë dhënë në Polici dëshmitarët okular të ngjarjes, debati mes autorit dhe të dëmtuarit ka nisur për një fërkim makinash. Ata kanë ndaluar mjetet në rrugë dhe janë përleshur fillimisht me grushte, më pas Kolndreu ka marrë një thikë në makinë dhe ka goditur disa herë 34- vjeçarin.

Dëshmitarët kanë lajmëruar menjëherë Policinë, por në atë kohë autori ka hedhur thikën në tokë dhe ka nisur të vrapojë për t’u larguar nga vendngjarja.

 

Të fundit