Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Foto/ U qëllua me breshëri plumbash, zbulohet makina që shpëtoi Dashamir Gjokën

Politiko 24 Gusht 2017, 16:46

Kjo është vetura e Dashamir Gjokës, me të cilën ai lëvizte mesditën e djeshme kur iu bë atentat me kallashnikov nga dy vëllezër të shpallur në kërkim tashmë nga policia.

Në foto vihen re shenjat e plumbave të mbetur në veturën e blinduar në pronësi të tij. Nga sa shihet në pamje, ajo është qëlluar në krahun e shoferit.

Në xhamin e parë dhe në derën në pjesën e derës ndaj saj është hapur zjarr me një breshëri prej 27 plumbash. Të shtënat nuk kanë mundur të depërtojnë në brendësi të automjetit “Mercedez- Benz” klasi S, por kanë lenë shenjë në xhama dhe në trupin e mjetit. Kjo pasi ai është totalisht i blinduar çka ka bërë që Gjoka dhe familja e tij të shpëtonin mrekullisht nga atentati i të mërkurës në orën 14:00, kur ai u qëllua pranë ish- komunës Xhafzotaj. Nga hetimet e kryera, janë identifikuar dy vëllezër si autorë të atentatit.

Ata janë shpallur në kërkim me akuzën e vrasjes në rrethana cilësuese. Shkak është bërë një konflikt i vjetër i periudhës së viteve 96- 97 që Gjoka, ka pasur me dajën e dy atentatorëve. Hetuesit dyshojnë se konfliktet mes tyre kanë vijuar edhe në vazhdim, çka mendohet se kanë sjellë edhe atentatin të mërkurës në mesditë. Në banesën e dajës së atentatorëve, policia thotë se ka gjetur një automjet që dyshohet se është përdorur nga dy vëllezërit.

Këta të fundit hapën zjarr me automatik “Kallashnikov”ndaj veturës “Mercedez- Benz”, të blinduar në pronësi të Dashamir Gjokës, 46 vjeç banues në Xhafzotaj të bashkisë Shijak. Autorët ndodheshin një automjet i cili u largua me shpejtësi nga vendi i ngjarjes. Në momentin e atentatit Gjoka ishte duke udhëtuar bashkë me gruan dhe fëmijët e tij. Sipas burimeve të policisë 46 vjeçari, kishte vetëm pak momente që kishte dalë nga banesa e tij dhe po shkonte për të prerë flokët e vajzave.

Menjëherë pas atentatit ai u drejtua policisë së Shijakut për të denconcuar atentatitn. Në vendin e ngjarjes, ekspertët e policisë gjetën dhe sekuestruan 27 gëzhoja automatiku të kalibrit 7.62 mm, që policia thotë se i përkasin armës së atentatorëve. Policia ka kryer gjatë mbrëmjes së djeshme kontrolle në një sërë banesash në zonën e Shijakut Sallmones, Xhafzotajt etj, për të gjetur dy atentatorët, të cilët kanë mundur të fshihen.

Dashamir Gjoka është dënuar nga Gjykata italiane për shfrytëzim e skllavërim të vajzave për qëllime prostitucioni, organizatë kriminale etj. Me 4 ë të këtij viti, Gjykata e Krimeve të Rënda i sekuestroi pasuritë Gjokës me këtë argument, por në muajin korrik Gjykata e Apelit të Krimeve të rënda i hoqi sekuestron./Tv Klan