Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Frika nga Covid-19, ministrat e Shëndetësisë së BE takim të jashtëzakonshëm, zhvendoset seanca plenare e PE

Politiko 6 Mars 2020, 09:07

Frika nga Covid-19, ministrat e Shëndetësisë së BE takim

Ministrat e shëndetësisë të BE do të zhvillojnë një takim të jashtëzakonshëm sot (6 mars) për të diskutuar mbi zhvillimet e fundit në lidhje me shpërthimin e COVID-19 dhe veçanërisht gatishmërinë e tyre për të përballuar përhapjen e shpejtë të virusit në të gjithë bllokun.

EURACTIV u informua se Komisioni Evropian i kushton rëndësi të madhe rezervave të maskave mbrojtëse në shtetet anëtare të BE-së për qytetarët, por po u jep përparësi punonjësve të kujdesit shëndetësor dhe pacientëve tw infektuar.

Ironik wshtw fakti se 60% e prodhimit global të këtyre maskave është në rajonin e gjerë të Wuhan të Kinës, vatra ku u shfaq për herë të parë virusi. Brukseli pret që prodhimi i këtyre maskave do të "kthehet në biznes" brenda dy muajve.

Burimet thanë se zgjerimi i mëtejshëm i shpërthimit të coronavirusit pritej pasi ajo goditi Italinë veriore.

Pas dy javësh urgjente, Italia ka raportuar 3,858 raste dhe 148 vdekje. Sipas shifrave të siguruara nga Mbrojtja Civile e Italisë, njerëzit e shëruar përfaqësojnë deri më tani 10.7% të totalit.

Pas Italisë, një përshkallëzim i shpejtë raportohet në Francë dhe Gjermani. Presidenti Francez Emmanuel Macron paralajmëroi të enjten për një epidemi pasi numri i rasteve të raportuara të coronavirusit arriti në 423 dhe numri i vdekjeve u rrit në shtatë.

"Ka një moment kur të gjithë e dimë se ... një epidemi është e pashmangshme," tha Macron.

Qeveria franceze ka vendosur gjithashtu të shtojw rezervat e maskave të fytyrës dhe prodhimin në muajt e ardhshëm. "Ne do t'i shpërndajmë tek profesionistët e shëndetit dhe te francezët e infektuar" tha presidenti francez.

Deri të enjten, Spanja numëroi 3 viktima nga 234 personat e infektuar nga virusi COVID-19, që është 41 raste më shumë krahasuar me një ditë më parë, sipas EFE.

Në Lisbonë, Lusa raportoi se qeveria Portugeze po krijon karantinw për pacientët COVID-19, tha Ministri i Mbrojtjes João Titterington Gomes Cravinho të enjten (5 mars), e në të njëjtën ditë Portugalia konfirmoi rastin e nëntë. Greqia po ashtu ka raportuar deri më tani 31 raste.

Seanca parlamentare në Bruksel

Teksa rastet e prekura janw rritur me shpejtë në Francë, seanca plenare e Parlamentit Evropian që pritet javën e ardhshme në Strasburg do të zhvillohet në Bruksel.

"Në orën 18:00 sot, mora një raport të azhurnuar nga Shërbimi Mjekësor i Parlamentit Evropian mbi evolucionin e COVID-19 i cili thotë se rreziqet shëndetësore konsiderohen të jenë dukshëm më të larta nëse seanca plenare e Parlamentit javën e ardhshme zhvillohet në Strasburg," shefi i Parlamentit Evropian David Sassoli tha dje.

"Në bazë të këtij vlerësimi, për shkak të forcës madhore, vendosa që kushtet e nevojshme të sigurisë nuk janë krijuar për transferimin e zakonshëm të Parlamentit Evropian në Strasburg për seancën plenare javën e ardhshme," shtoi ai.

Pesëdhjetë raste janë raportuar deri më tani në Belgjikë, përfshirë dy në institucionet e BE-së.