Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Fuga mbështet protestën e maturantëve: Keni një mijë herë të drejtë. Revoltohuni! Politika ua ka vendosur gjurin në kokë

Politiko 12 Qershor 2020, 15:55
Fuga mbështet protestën e maturantëve: Keni një mijë

Maturantët kanë protestuar sot pata Ministrisë së Arsimit, kundër provimit të Gjuhës Shqipe. Sipas maturantëve ky provim ka qenë një absurd i vërtetë pasi sipas tyre testi ishte jashtë programit dhe përmbante më shumë pyetje logjike.

Protesta e maturantëve ditën e sotme ka marrë vëmendjen e të gjithëve. Ajo nisi si një irritim mbi provimin e Gjuhës Shqipe, ku sipas gjimnazistëve testi ishte me pyetje absurde. Në mbështetje të tyre kanë dalë gjithashtu mësues dhe pedagogë.

Po ashtu dhe akademiku Artan Fuga, i cili mbështet maturantët dhe shprehet se duhet të hapin gojën për gjithçka, pasi rinia në Shqipëri ka të drejtë të revoltohet.

Statusi plotë në Facebook:

Unë mbështes fort protestën e maturantëve të Shqipërisë!

Ata kanë një mijë herë të drejtë!

Trajtohen me privilegje politike grupe dhe shtresa të caktuara, niveli i dijeve që u jepet është skandaloz, tezat e ndërtuara në mënyrë qesharake, shpërndarje e tyre në degët universitare e gjitha e dalë boje dhe e korruptuar, e ardhmja e tyre kulturore e vendosur në hone rrëpirash!

Arsimimi që u jepet po u shkatërron jetën për dekadat e ardhëshme! Ata kanë të drejtë!

Ligja për arsimimin dhe standardet e shkollimit të kalbura!

Janë të mirë, të edukuar, me etikë të duruar, por politika u ka vendosur gjurin në kokë, po u marrin frymën burokratët, të paaftët, ata që nuk duan një rini të shkolluar!

Gjendja e studentëve dhe e cilësisë të diplomave është po aq e tmerrshme! Shoqëria po i merr frymën rinisë shkollore dhe universitare!

Po prish shpresën e kombit, po e dhunon, e ka lënë pa të drejta, në mëshirën e fatit, në papunësi profesionale, u jep mundësi o shitësa, o roje, o policë, o numurues votash në komisione votimi!

Diplomat pa vlerë në treg!

Shkolla nuk është skena e striptizës politike dhe e deklarateve boshe dhe të dëmshme!

Maturantët dëshmojnë se u bëhen privilegje politike antarëve të forumeve politike, se jepen kopje, se ka trajtime të privilegjuara, se ka presione mbi mësuesti politikisht!

Hapini gojën maturantëve dhe do të shohim se çfarë na dëgjojnë veshët!

Rinia shqiptare ka të drejtë të revoltohet!

Të fundit