Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Fushata e LGBT, Kristi Pinderi kapet me ish-deputetin e PS: Bën moral ai që nuk tregoi ku i mori 2.6 milion dollarë

Politiko 30 Mars 2018, 18:27
Fushata e LGBT, Kristi Pinderi kapet me ish-deputetin e PS: Bën moral ai

Fushata e komunitetit të LGBT vijon të ngjallë debate në opinionin publik. Këtë herë ka reaguar ish-deputet i Partisë Socialiste,  Andis Harasani, i cili në një status në rrjetin social Facebook ironizon me debatin e ditëve të fundit mbi LGBT, duke kujtuar historinë “dy motrave” (i referohet dy meshkujve homoseksual) në Tiranën e para shumë viteve.

“Para shume vitesh kur isha adoleshent, rrinim aty te gazeta Bashkimi nje grup shokesh e luanim tavell deri ne agim. Shpesh na vinte dhe Flamur Topi pasi mbaronte emisionin ne darke ne TVSH dhe luante ndonje loj shah. Ne lagje ne ate kohe kishim komshie dy motra. Sa kishin ardhur nga jugu. Ishin ne ate kohe me te shendosha se jam une sot, dhe te shkretat mire qe ishin 1 pa 10 te gjata e te shemtuara te zoti, por dhe shihnin kedo me inat. Sa here kalonin para nesh, askush nuk ngrinte koken e jo me ti hidhte ndonje fjale sic ishte ne ate kohe e si do jete ne cdo kohe. Nderkohe sa here kalonin keto motrat prane nesh degjonim qe na shanin neper dhembe. Njehere, dyhere e keshtu nje dite i ndaloj dhe i pyes qe pse shanin? Me shikon ne sy gjithe inat motra e madhe (tani mendova se eshte e madhja se ishte me e shendoshe se tjetra) dhe gjithe ton me thote: sepse ju na shifni si perverse sa here kalojme ne. Qeshem dhe nuk folem. Nuk e di, ose me sakte e di, se pse mu kujtua kjo histori kur lexoja sa po vuajne LGBT ne Tirane”, ka shkruan Harasani.

Këtij reagimi i është përgjigjur menjëherë aktivisti për të drejtat LGBT, Kristi Pinderi, duke kujtuar një tjetër historinë e një ish-deputeti socialist, i referohet Andis Harasanit që nuk u dërgua asnjëherë deri në fund nga sistemi i drejtësisë në Shqipëri për të treguar si i bëri 2,6 milion dollarë.

“Një ish deputet i Partisë Socialiste ka kujtuar me ironi një rast me dy “motra” siç i quan ai dy burra gej në Tiranën e para shumë viteve. Dhe si gjithmonë ka dashur të tregojë se kush është rruga e drejtë që sipas tij 'nuk fyen Zotin'. Teksa po e lexoja mu kujtua një histori me këtë deputet që nuk është çuar asnjëherë deri në fund nga sistemi i drejtësisë në Shqipëri. Ja çfarë m’u kujtua nga ky ish deputet dhe ish drejtor i KESH, diçka që media ka shkruar jo më larg se dy vjet më parë: 'Inspektorati i Lartë i Deklarimit dhe Kontrollit të Pasurive dhe Konfliktit të Interesave, bazuar në ligjin nr. 9049, datë 10.4.2003 'Për deklarimin dhe kontrollin e pasurive, të detyrimeve financiare të të zgjedhurve dhe të disa nëpunësve publike', i ndryshuar, përfundoi kontrollin e plotë të deklaratave të interesave private të subjektit Andis Harasani, për funksionet Drejtor i KESH (2003-2005) dhe Deputet i Kuvendit të Shqiperisë, për periudhën kohore (2005 – 2012), nga ku rezultuan deklarime të rreme, kontrata fiktive e të falsifikuara, fshehje të pasurive dhe transfertave bankare, të dyshimta e pa burime të ligjshme financiare, në banka brenda dhe jashtë vendit, në shumën rreth 2.600.000 USD', thuhet në njoftimin e ILDKPKI”, ka shkruan Pinderi.

Të fundit