Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Futbollistët e Kombëtares: Ne mbështesim Panuçin, humbja me Skocinë aksidentale

Politiko 20 Nëntor 2018, 23:56

Futbollistët e Kombëtares: Ne mbështesim Panuçin, humbja

Disa nga lojtarët kryesorë të përfaqësueses janë shprehur të lumtur me fitoren përballë Uellsin në ‘Elbasan Arena’, ndonëse do kishin dashur që një rezultat i tillë të ishtë edhe përballë Skocisë.

Mbështetjë kanë ofruar edhe për trajnerin Kristian Panuçi, pozitat e të cilit janë lëkundur ndjeshëm duke theksuar se tani me ekipi eshte ne rrugen e duhur per kualifikueset e Kampionatiti Europian.

Reagimet e lojtarëve:

Frederik Veseli: Fitorja ishte dhurata më e bukur për mua. Bëmë ndeshje të mirë dhe jam shumë i gëzuar. Kemi vënë në vështirësi ekipin kundërshtar dhe jemi mbrojtur mirë. Kjo është rruga që duhet të ndjekim. Kemi bërë më shumë presion në pjesën tonë dhe ndryshoi nga ndeshjet e fundit. Nuk besoj se kam bërë ndeshje shumë të mirë. Kam bërë punën time dhe më mirë ndihem në qendër, qoftë me 3 apo me 4. Luaj kudo që do trajneri dhe pastaj provoj të luaj mirë për vete por ekipi është më mirë se individualiteti. Është mirë për mua dhe për ekipin.

Elseid Hysaj: Shyqyr që gjetëm lojën tonë dhe shënuam gol. Jam i kënaqur pasi është mirë për moralin tonë. Faza mbrojtëse ndryshoi pasi ishim të gjithë mbrapa dhe kundërsulm. Problemi me Skocinë ishin edhe episodet. Skocia erdhi për barazim dhe jo për fitore. Me këtë modul do kishim shkuar më mirë edhe ndaj Skocisë. Shqipëria kur fiton është mirë dhe më pëlqen në mbrojtje. Këtë dimë të bëjmë më mirë. Shpresoj të luajnë më shumë futbollistët nëpër klube.

Eros Grezda: Kjo fitore do me thënë shumë për ne dhe moralin. Vijmë nga një rezultat shumë i keq dhe ky ishte reagimi më i mirë. Luajtëm mirë në mbrojtje dhe shfrytëzuam atë rast të vetëm që kishim. E mbyllëm vitin me rezultat pozitiv dhe do të thotë shumë për ne. Më e mira është që lojtarët kthehen në klube dhe shpresoj të përgatitemi sa më mirë për marsin. Shpresoj të kenë të gjithë shëndet dhe të japim maksimumin. Në Skoci po shkoj shumë i lodhur. Vij nga një lëndim i gjatë dhe pjesën e parë e mbajta mirë. Kam bërë mirë, kam qenë lojtari i javës dhe tani shpresoj të vazhdoj kështu.

Sabjen Lilaj: Është fitore e rëndësishme pasi vijnë nga rezultate negative. Atmosfera ishte e vështirë dhe na duhej të bënim kthesë. Shyqyr erdhi rezultati dhe shpresojmë të vazhdojmë para. Nuk është e lehtë të kalohet kriza, por është një hap i mirë. Mirë ishte që u rikthyem te fitorja dhe shpresoj ta kemi kaluar. Ne mundohemi të rrimë jashtë këtyre diskutimeve dhe nuk kemi pse diskutojmë rolin e tij përderisa është ende trajner. Ishte periudhë e vështirë për të gjithë dhe duhej kjo fitore edhe për ne, edhe për trajnerin. Ndeshjen e Izraelit e kemi studiuar dhe jemi përgatitur për ndeshjen. Nuk më është dhënë shpjegim pse nuk luajta, por ashtu ka menduar trajneri që mendon për ta fituar. Ne e mbështesim edhe pse doja të luaja.

Bekim Balaj: Kjo fitore vjen pas një momenti të vështirë. Ndikoi te lojtarët dhe përqendrimi ishte maksimal. Luajtëm si skuadër dhe luftuam deri në fund e në fund arritëm fitoren. Po ta krahasosh me ndeshjen në Shkodër, atje mori tjetër rrjedhë dhe kartoni i kuq ndryshoi historinë. Shkodrës i mungoi shpirti i garës dhe e treguam këtë ndeshje. Kjo ka qenë arma jonë më e fortë gjithmonë. Liga e Kombeve ishte mundësi e mirë por nuk arritëm dot. Presim shortin dhe në mars janë duelet e tjera.