Flash News

Përplasen tre makina në Tiranë, njëra prej tyre përfshihet nga flakët

Abuzoi me vajzën e tij të mitur, ky është 36-vjeçari i vënë në pranga në Fier

E rëndë në Fier! Babai abuzon se*sualisht me vajzën e tij të mitur

Pritet zbërthimi i telefonit të gjetur në burg, Laert Haxhiu rrezikon izolimin në ‘41 biss’

24 mijë fishekë nga Shqipëria në Kretë: Si u shkatërrua rrjeti kriminal nga policia greke?

KRYESORE

Gati 7 vite përtej mandatit të tij kushtetues; KLGJ mbledhje për të diskutuar përfundimin e mandatit të Ardian Dvoranit në GJL

Politiko 11 Qershor 2020, 17:36
Gati 7 vite përtej mandatit të tij kushtetues; KLGJ mbledhje për

Një debat i fortë ka përfshirë sistemin e drejtësisë për vijimin ose jo i detyrës nga gjyqtari Ardian Dvorani në Gjykatën e Lartë, i cili është gati 7 vite përtej mandatit të tij kushtetues. Për këtë arsye, Këshilli i Lartë i Gjyqësorit është mbledhur ditën e sotme me qëllim diskutimin për t’i dhënë fund ose jo mandatit të tij.

Në diskutimet mes anëtarëve të KLGJ-së, relatorja e çështjes Marcela Shehu është shprehur kundër vijimësisë së mandatit të Dvoranit, duke theksuar se qëndrimi mbi afate cenon Kushtetutën. Ndërkaq, në të njëjtin mendim ka qenë edhe anëtari tjetër i KLGJ-së, Alban Toro, duke kërkuar që Këshilli të konstatojë mbarimin e mandatit të gjyqtarit Dvorani.

Për Brunilda Kadin që kur u betua anëtari i parë, Dvoranit i kishte mbaruar afati dhe se përsa i përket Apelit, në të do të qëndrojnë vetëm ata të cilët plotësojnë kriteret.

Ndërsa Brikena Ukperaj mendon ndryshe. “Ardian Dvorani duhet të qëndrojë në detyrë deri në zgjdhjen e anëtarit të 4 në Gjykatën e Lartë. Detyrimi për të qëndruar në Gjykatën e Lartë s’ka mbaruar akoma”, është shprehur gjyqëtarja.

Nga ana tjetër, Erjon Muharremaj ka theksuar se emerimi i 3 anëtarëve të Gjykatës së Lartë duhet të sjell fundin e mandatit të Dvoranit, si dhe atij duhet ofruar një pozicion në Apel.

“Me emërimin e 3 anëtarëve, Dvorani duhet të largohet. I duhet ofruar një pozicion në Apel”, tha Erion Muharremaj.

Kujtojmë se, me emërimin e  3 anëtarëve të rinj të Gjykatës së Lartë në muajin mars lindi edhe debati nëse duhej të largohej ose jo nga pozicioni i tij gjyqtari Ardian Dvorani. Madje, Presidenti Meta i drejtoi një kërkesë Këshillit të Lartë të Drejtësisë në të cilën kërkonte ndërprerjen e detyrës së Dvoranit, duke pretenduar se gjyqtarit i kishte përfunduar mandati me emërimin e 3 anëtarëve të rinj.

Në anën tjetër, Dvorani ka një kryeargument me të cilin bazon qëndrimin e tij. Duke u bazuar në ligj, janë 4 vende në Gjykatën e Lartë që i përkasin anëtarëve, të cilët vijnë nga jashtë sistemit. Dvorani pretendon të qëndrojë në detyrë deri në momentin kur do të emërohet anëtari i katërt nga radhët e juristëve të spikatur.

Referuar kësaj problematike, dy misionet e Bashkimit Europian dhe të Shteteve të Bashkuara të Amerikës, EURALIUS dhe OPDAT, kanë refuzuar dje të japin opinionet e tyre, teksa e konsiderojnë konfliktin ligjor si çështje përgjegjësi ekskluzive e Këshillit të Lartë Gjyqësor.

Të fundit