Flash News

Kosova hap ambasadë në Malajzi

Në fillim i përqeshi si ‘qilima fluturues’ dhe më pas i përvetësoi/ 7 temat dhe premtimet që Edi Rama kopjoi nga Sali Berisha në këtë fushatë

Kthimi i Edi Ramës në fushatën (humbëse) e 2011

SHBA tërhiqet nga negociatat e paqes midis Ukrainës dhe Rusisë

Shprehja e zv/Presidentit Vance shpërndarë nga Ambasada Amerikane: Ku e tha, në ç’kontekst, dhe si lidhet me Shqipërinë

KRYESORE

"Gati të shkoj në Uashington për dialog me Serbinë pa Thaçin"; Hoti flet edhe për 3 projektet strategjike që u ra dakord me Shqipërinë

Politiko 3 Korrik 2020, 13:32
"Gati të shkoj në Uashington për dialog me Serbinë pa

Kryeministri i Kosovës, Avdullah Hoti ka përmendur tre projekte madhore në konferencën e përbashkët me kryeministrin Rama, të cilat sipas tij tani duhet të gjejnë zbatim.

“Së pari, Porti i Durrësit ku unë kam punuar me ish ministrin e Financave që ta kemi një pikë doganore ku mallrat të huajnë në Kosove.

Së dyti, në fushën e energjisë duhet të kujdesemi që ta zgjidhim afat gjatë këtë, duke konsideruar ndërtimin e një HEC në territorin e Shqipërisë për të furnizuar me energji Kosovë.

Së treti, lidhja e dy kryeqyteteve tona me hekurudhë. Është një projekt i hershëm, por ka ardhur koha të zbatohet. Në vjeshtë të këtij viti mund të gjenden fondet konkrete për të realizuar këtë projekt”, ka thënë Hoti.

Referuar dialogut Kosovë-Serbi, Hoti është shprehur se roli i SHBA dhe BE është komplementar çështjes së bisedimeve për njohje reciproke dhe se nuk ka konkurrencë mes tyre.

"Dialogu zhvillohet mes Kosovës dhe Serbisë. Kemi dialoguar për normalizim të marrëdhënieve tregtare, të diplomave, por tani po dialogojmë  për njohje reciproke. Kjo është e para. Ky dialog mbështetet nga BE dhe SHBA. Kam dëgjuar gjatë kësaj kohe se sikur ka një konkurrencë mes SHBA dhe BE rolin e të dyjave unë e shikoj komplementare", tha Hoti, ndërsa shtoi më tej se ishte i gatshëm të shkonte në Uashington i vetëm, pa Presidentin Thaçi për të negociuar me Serbinë.

"Kosova ka institucione legjitime kushtetuese gati të marrin të gjitha përgjegjësitë, unë jam i gatshëm dhe në koordinim me ambasadorin Grenell për të caktuar një datë për të filluar procesin e dialogut me një axhendë fillimisht ekonomike dhe më pas politike të dialogut duke u nisur nga parimet tona, ne hyjmë për njohje reciproke dhe normalizim të marrëdhënieve mes dy vendeve. Dialogu nuk ka alternativë. Prandaj sa herë që ftohem në SHBA dhe Bruksel do të shkojë të përfaqësoj shtetin e Kosovës. Për të protestuar është e drejtë se secilit, por ne kulturë politike dhe institucionale për të respektuar obligimet ndërkombëtare dhe këtë radhë do të sillemi njëlloj, se kur organet e rendit e ngrenë një cështje nuk pengojmë por përballemi me ato" tha ai.

I pyetur për një ulje të palëve për koalicion në rast të dorëheqjes së presidentit Thaçi, Hoti tha se: “Nuk përgjigjem në pyetje hipotetike. Qeveria është stabile, Presidenti është në krye të vendit. Nëse krijohen ato rrethana patjetër që do të ulemi të flasim.”

Të fundit