Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Gazeta Danas: Vuçiç dhe Thaçi „ngrenë pazarin“ para takimit në Paris

Politiko 2 Qershor 2019, 19:34

Zëdhënësja e Komisionit Europian nuk deshi dje t’i përgjigjej pyetjes tonë sesi e komenton BE-ja mesazhin e Presidentit kosovar Hashim Thaçi se nuk do të lejojë formimin e Bashkësisë së Komunave serbe.

Po ashtu, Brukseli zyrtar u përmbajt nga komentet në lidhje me pohimin e Presidentit serb Aleksandër Vuçiç se mungesa e reaksionit të BE-së ndaj deklaratës së Thaçit është „vdekje e së drejtës ndërkombëtare“ dhe se „Komisioni Europian duhet t'u zbatojë nenet ligjeve, në vend që t'i bëjë predikme“ Kryeministres serbe Ana Brnabiç për shkak të konsatatimit të saj për llogari të shqiptarëve të Kosovës se „kemi të bëjmë me njerëz që kanë dalë nga pylli“.

Disa diplomatë konstatojnë në mënyrë jozyrtare se Vuçiçi dhe Thaçi „po e ngrenë pazarin“ para takimit të radhës mbi Ballkanin Perëndimor që do të mbahet me 2 korrik në Paris, në të cilin Kosova do të jetë një prej temave kryesore. Bashkëbiseduesit tanë pohojnë gjithashtu se pushteti serb e ka ashpërsuar retorikën ndaj BE-së për shkak të kritikave që ka bërë Komisionit Europian për Serbinë në Raportin për përparimin drejt antarsimit në BE dhe se „Vuçiçi dhe Branabiçi as që e fshehin se janë të pakënaqur me vlerësimet“ që jepen në këtë dokument, ndërsa Prishtina „po humbet durimin“ për shkak të tejzgjatjes së procedurës për liberalizimin e vizave për Kosovën.

„Edhe Vuçiçi edhe Thaçi janë momentalisht të zemëruar me zyrtarët e Brukselit, por nuk pritet qw tw mos i përgjigjen ftesës për takimin në Paris, që e organizojnë Presidenti francez Emanuel Makron dheKancelarja gjermane Anxhela Merkel, me praninë e zyrtarëve të BE-së. Presidenti serb dhe ai i Kosovës e kanë të qartë se ashpërsimi i skajshëm i marrëdhënieve me Perëndimin nuk është në interes të tyre“ -nënvizojnë përfaqësues të qarqeve diplomatike.

Aleksandër Vuçiçi u tha dje gazetarëve në Loznicë (qytet në Serbinë jugore) se ai „nuk ka më asnjë pritmëri nga BE-ja“ dhe se „kush e di nëse do të mbahet takimi në Paris“.

-Kush e di nëse do të ketë një takim në Parsi, nuk dihet se çfarë ndodh deri atëherë. Nëse ata nuk reaguan ndaj asaj që tha Thaçi se është penduar dhe se nuk do të përmbushë Marrëveshjen e Brukselit, që e ka nënëshruar ai vetë, sepse paskan ndryshuar rrethanat, ky është fundi i së drejtës ndërkombëtare.... marrëveshjet ndërkombëtare nuk vlejnë më“, iu përgjigj ai RTS-së nga portali i tij.

Duke komentuar mesazhin e Thaçit se është e mundur të organizohet një referendum për bashkimin e Kosovës me Shqipërinë, Presidenti i Serbisë tha se Serbia „do të reagojë në mënyrë serioze, të përgjegjshme dhe të vendosur nëse vjen puna deri te ky referendum“.

Thaçi tha për TV Dukagjini se: „Nëse BE-ja vazdon me izolimin e Kosovës, do të shqyrtohet mundësia e procedurave institucionale ose referendumit mbi bashkimin me Shqipërinë. .... Këtë mund ta bëjmë nëpërmjet një Rezolute në Kuvend ose nëpërmjet referendumeve në Kosovë e në Shqipëri, duke përfshirë edhe Preshevën, Medvegjën dhe Bujanovacin“.

Sipas mendimit të Vuçiçit është duke u zhvilluar „një fushatë ngjethëse e kriminalizimit të popullit tonë, fushatë që po e nxitin të huajt dhe disa agjentura që kanë pranuar disa qendra të caktuara politike në Beograd, dhe e cila është e frikshme dhe drejtohet kundër interesave vitale të popullit tonë“.

Duke komentuar deklaratën e Maja Koçijançiçit se është „fyese retorika e Ana Brnabiçit“ për shqiptarët e Kosovës, Vuçiçi tha se kjo deklaratë e Kryeministres „nuk kishte lidhje me të gjithë shqiptarët“, por ajo ka folur vetëm për Thaçin, Ramush Haradinajn dhe Kadri Veselin. Në këtë kontekst Presidenti serb porositi: „Thelbi nuk është te ajo që BE- ja të shqetësohet për fjalorin e ndokujt, por ajo duhet të zbatojë nenet e ligjeve, e marrëveshja e Brukslit është një prej ligjeve“.

Presidenti i Serbisë pohon se „nuk e ka goditur raporti i KE-së“, por është „zemëruar vetëm për faktin se Ana Branbiçi është zemëruar“. „Ana nuk duhet të nevrikoset. Kjo është politika dhe duhet të mwsoheni më kësi gjërash edhe kur je fajtor, por edhe kur nuk je i tillë“, tha Vuçiçi në Loznicë për gazetarët, duke shtuar se „qytetarët e Serbisë tashmë e kanë gjithçka të qartë“.

Për shkak të deklaratës së Kryeministres Branbiç mbi „njerëzit e pyllit“, personalitetet publike kosovare kanë vendosur në rrjetet sociale fotografinë e saj me një pyll në sfond, dhe në të përfaqësuesen e Prishtinës në OKB, Vlora Çitaku, ish Presidenten e Kosovës Atifete Jahjagën, politikanen Mimoza Kusari.

*Shkruan Marija Stojanoviç, Gazeta „Danas“, 2 qershor 2019. Përktheu për Politiko.al: Xhelal Fejza