Flash News
Video/ Tensione në mbledhjen e Këshillit Bashkiak të Himarës, qytetari pështyn në fytyrë Vangjel Tavon
Olsi, ashtu si Edi, qenka burrë p….
Nën hetim për trafik k*kaine, SPAK sekuestron pasuritë e Princ Dobroshit dhe Olsi Syziut
Atentat në Memaliaj, qëllohet me breshëri arme avokati
Posta e mëngjesit/ Me 2 rreshta: Çfarë pati rëndësi dje në Shqipëri
Gazeta gjermane “shkund” qeverinë/ 6 përgjimet që provojnë lidhjet e zyrtarëve të PS me bandën e Avdylajve për shit-blerjen e votave në 2017-ën
Gazeta e njohur gjermane ‘Bild’ ka publikuar sot gjashtë përgjime të reja, pjesë e dosjes 339/1, aktualisht e dorëzuar te Krimët e Rënda.
Në gjashtë përgjimet e publikuara zbardhen bisedat e Astrit Avdylajt, kreut të organizatës kriminale në Shijak me zyrtarë të lartë të Partisë Socialiste si kreun e bashkisë së Durrësit, Vangjush Dako, kreun e bashkisë së Shijakut, Ardian Kokomani, kreun e PS, Elton Arbanën, me vëllain e Ilir Ndraxhit, aktualisht deputet i PS, si dhe drejtorin e Ujësjellësit dhe një person që i kishte garantuar votën, përgjime të siguruara 6 muaj para zgjedhjeve parlamentare të qershorit 2017.
Në sajë të këtyre përgjimeve del në pah se si grupet kriminale janë të implikuar në shit-blerjen e votave, apo edhe intimidimi i votuesve në bashkëpunim me funksionarët e lartë të PS.
Përgjimi 1: Biseda me kreun e klanit kriminal Avdylaj me kryetarin e Bashkisë së Shijakut, Ardian Kokomani
Deputeti i Partisë Socialiste Ilir Ndraxhi e ka marrë mandatin nga mbështetja e klanit kriminal Avdylaj. Gazeta gjermane “Bild”, ka publikuar përgjimet e bëra më 28 mars të 2017-ës, ku Astrit Avdylaj, kryetari i klanit kriminal Avdylaj bëri me kryetarin e Bashkisë së Shijakut, Ardian Kokomani.
Gjatë bisedës telefonike, Avdylaj i kërkoi Kryebashkiakun e Shijakut, që do të organizojë një takim me Vangjush Dakon, kryebashkiakun e Durrësit me anëtarin e ardhshëm të parlamentit ”Liri” (Ilir Ndraxhi), një person që klani Kriminal Avdylaj kërkon që ta vendosë si anëtar të Partisë Socialiste.
Ndaj i kërkohet edhe kryebashkiakut të Shijakut të jetë aty. Takimi organizohet vetëm për të bërë këtë: të finalizojë marrëveshjen që Ilir Ndraxhi do të vendoset si kandidat i PS për parlamentin në Durrës, ku do të përfaqësojë interesat kriminale të klanit Avdylaj dhe klani Avdylaj do t’i ofrojë mbështetje të plotë fushatës së PS në Durrës.
Video-biseda:
Përgjimi 2: Avdylaj i kërkon kreut të PS të ndërhyjë te kreu i INUV për anulimin e gjobave në Sukth
Një tjetër përgjim i prestigjiozes gjermane ‘Bild’ është biseda e Astrit Avdylajt, kreut të grupit kriminal të Shijakut mes Elton Arbanën, kreun e PS në Shijak, aktualisht kandidat për kryetar bashkie në këtë zonë.
Me një ton të irrituar ai telefon kreun e PS dhe kërkon që të ndërhyjë te Inspektorët Kombëtar të Ndërtimit që të anulojnë gjobat që kishin vënë ato ditë te një fermë në Sukth.
Ai ia kërkon këtë favor Arbanës, pasi nuk mund të kontaktonte dot me Vangjush Dakon për t’i kërkuar që të anulojë gjobat sepse kryetari i bashkisë ndodhet në Zvicër me Edi Ramën në një udhëtim.
Biseda e zbardhur:
Kryetari i PS në Shijak: Astrit?
Astrit Avdylaj: Si ia çove?
Kryetari i PS në Shijak: Ca bone, si ka kalove? Mirë?
Astrit Avdylaj: Mirë, si jeni?
Kryetari i PS në Shijak: Mirë. Ca bohet, si ke qenë ti?
Astrit Avdylaj: Vallahi mirë, ti si je?
Kryetari i PS në Shijak: Hajt mo mirë. Tu bo lojë, muhabet me cunat.
Astrit Avdylaj: A e di ku e kisha hallin unë?
Kryetari i PS në Shijak: Urdhëro
Astrit Avdylaj: A e njeh atë të INUK-ut, atë drejtorin ti?
Kryetari i PS në Shijak: E njoh më, Dallëndyshja.
Astrit Avdylaj: Lëre Dallëndyshen, ke të Durrësit. Ca është ky i Durrësit, Artur…
Kryetari i PS në Shijak: Artur Çela?
Astrit Avdylaj: Eee
Kryetari i PS në Shijak: I bashkisë?
Astrit Avdylaj: Eee
Kryetari i PS në Shijak: Po e njoh
Astrit Avdylaj: I kujt bashkie është, i Shijakut?
Kryetari i PS në Shijak: Jo, jo i Durrësit, i Vangjushit
Astrit Avdylaj: Po nuk ka qenë aty Vangjushi, se ka qenë me Edin. Merre o vlla, merre atë b**** q**se ke shku aty duke i vendos gjoba në fermë sot nga 5 milionë o vlla.
Kryetari i PS në Shijak: Kush? Ti?
Astrit Avdylaj: Se nuk është Vangjushi këtu
Kryetari i PS në Shijak: Se mua më kanë hequr, u bo nja 4 ditë. Po ta marr në telefon tek kush
Astrit Avdylaj: Ore ka shku në fermë të Sukthit, ka shku duke vënë gjoba. Po nuk është Gjushi këtu është në Zvicër, a më kupton. Se nuk kam me ca e lajmëruar tani.
Kryetari i PS në Shijak: Ka noi emër konkret, ke noi emër apo jo?
Astrit Avdylaj: Kujt konkret?
Kryetari i PS në Shijak: Domethënë kujt ia ka vënë, që ti them
Astrit Avdylaj: Ore thuaj i ke vënë atje në fermë, ke bo gabim dhe kthe gjobat. Mos ve gjoba thuaj, se nuk është Vangjushi aty a më kupton.
Kryetari i PS në Shijak: Ja ta marr tani direkt
Astrit Avdylaj: Ore je tu bo gabim thuaj, ore o pis thuaj. Nuk dua ta marr vetë në telefon
Kryetari i PS në Shijak: E mor unë, po e more vesh para një jave që më hoqën
Astrit Avdylaj: Unë nuk e di o valla, ku, si, qysh, tek
Kryetari i PS në Shijak: Më hoqën sepse isha tek INUK-u, ndërhyra për këto kshu dhe më prishën punë.
Astrit Avdylaj: Nuk e di po ma lajmëro i cik këtë, thuj ke bërë gabim që ke shkuar në fermë se nuk është Vangjushi, është sot me Edi Ramën në Zvicër dhe unë nuk kam ku ta ashtu
Kryetari i PS në Shijak: Direkt e mor tani
Astrit Avdylaj: Mirë, Falemiderit
Kryetari i PS në Shijak: Ok, caio
Astrit Avdylaj: Ciao
Përgjimi 3: Përgjimi: Zbardhen pazaret e Astrit Avdylajt në fushatë: Për votën e di vetë ti; përmendet Niçja, Çimi e deputeti i PS
Ndër përgjimet e publikuara sot janë edhe pazaret e Astrit Avdylajt, kreut të grupit kriminal të Shijakut për garantimin e votave me një person që i siguron vota.
Video-biseda:
Përgjimi 4: Avdylaj kërkon listën e punonjësve drejtorit të PS: Dua emrat e atyre të PD, t’i shkundim i cikë t’na japin votën
Në përgjimin e mëposhtëm, dëgjohet Astrit Avdylaj duke i kërkuar Ivo Doçit, drejtorit të UKT Shijak listën e punonjësve, sipas tij me PD ose kundra siç i cilëson ai, të cilëve përmes presionit me vendin e punës dhe intimidimit do u kërkohej të votojnë për PS.
Video-biseda:
Përgjimi 5: “Kishe takuar Ramën mbrëmë, ishe kënaq”, gazeta gjermane publikon përgjimet e reja të Dakos me Avdylajt
Astrit Avdylaj nga kjo bisedë nënkupton se kryebashkiaku Dako ka qenë deri vonë një natë më parë me kryeministrin Edi Rama. Ai më pas i thotë Dakos që të anulojë planet e tij për të udhëtuar në Ishëm, që të sigurojë që “puna” që Alla po kërkon, të përfundohet te zyra e regjistrimit të pasurive nga drejtori Ani Dyrmishi dhe më pas Dako të takohet me të dhe të dënuarin për vrasje Vath Alla.
Kryebashkiaku Dako pranon dhe ndryshon agjendën e tij nga kjo bisedë, në dukje mjaft miqësore.
Video-biseda:
Përgjimi 6: “Do habitet edhe Rama”, biseda e Astrit Avdylajt me vëllain e deputetit të PS, Ilir Ndraxhi: E kena n’xhep!
Një ndër përgjimet e forta të publikuara nga gazeta e njohur gjermane ‘Bild’ është edhe biseda e Astrit Avdylajt me Arjan Ndraxhin, vëllain e Ilir Ndraxhit, aktualisht deputet i PS në Shijak.
Në këtë bisedë, Astrit Avdylaj, kreu i grupit kriminal të Shijakut i ka kërkuar kryeministrit Edi Rama përmes Vangjush Dakos, kryebashkiakut të Durrësit, që Ilir Ndraxhi (aktualisht deputet) të vendoset në listën e kandidatëve të të PS në zgjedhjet parlamentare të 2017-ës.
Gjatë bisedës telefonike, Astriti e pyet të vëllain nëse kandidati i mundshëm i PS për deputet ka marrë ndonjë telefonatë nga lart (Rama) për t’u konfirmuar si kandidat i PS.
Më tej, Astriti zotohet se ata do punojnë fort që ta surprizojnë “të gjatin” me një rezultat pozitiv 10 me zero.
Video-biseda: