Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Gazeta kroate/ Çfarë fshihet pas Vuçiçit të tronditur. Ku të çojnë „gjurmët e huaja“ që akuzon ai për kaosin

Politiko 9 Korrik 2020, 16:18

Gazeta kroate/ Çfarë fshihet pas Vuçiçit të

Vllado Vurushiç/ Jutarnji List

Çfarë fshihet pas protestave të dhunshme në Beograd, në natën mes së martës dhe të mërkurës? A është kjo, në fund të fundit, gjithsesi njëfarë mesazhi që vjen nga Moska për Aleksandër Vuçiçin pikërisht tani në prag të bisedimeve për Kosovën që do të mbahen këto ditë në Paris dhe në Bruksel, se kanë për ta kriposur nëse „do të hedhë vickla“? Apo është thjesht një lojë Kremlino-vuçiçiane rreth njohjes (së pritshme) të Kosovës? A është përmendja e rusëve si organizatorë të mundshëm që qëndrojnë pas këtyre trazirave, një mesazh drejtuar Brukselit që të mos e shtyjnë fort rreth njohjes së Kosovës, sepse „rusët po ia punojnë“? Edhe një argument që mund të përdoret. Gjithçka është mbi tryezë, sëpaku deri tani.

Sepse, disa analistë beogradas shohin në protesta „vulën ruse“ dhe ngjashmërinë me protestat në Podgoricë para disa vitesh kundër Milo Gjukanoviçit, të cilat, sikurse pohojnë në Podgoricë, i kanë mbështetur me logjistikë shërbimet informative ruse. Nga ana tjetër, disa mendojnë se Vuçiçi duke përmendur rusët dëshiron të frikësojë Brukselin dhe të fitojë përsëri kohën që po i rrjedh nëpër duar.

Në konferencën e sotme për gazetarët Aleksandër Vuçiçi foli për „gjurmë të huaja“ që janë vënë re në këto protesta, nuk saktësoi, por përmendi „njerëz nga rajoni“ që janë parë në ato protesta.

Gjithashtu nuk saktësoi për cilin konkretisht nga rajoni është fjala. Është interesant fakti se Vuçiçi nuk i përmendi rusët, por përsëri iu turr mediave kroate si qëllimkëqija, duke dhënë ndoshta me këtë mesazhin se mendon edhe për përzierjen e Kroacisë. Për hir të së vërtetës, sipas pyetjeve të gazetarëve të mediave proregjim dukej qartë se bëhej fjalë për shtetas malazezë dhe rusë, por edhe këtu Vuçiçi evitoi të japë një përgjigje konkrete. Nuk përgënjeshtroi asgjë, por në asnjë fjalë nuk i përmendi as rusët dhe as malazezët.

Vuçiçi nuk aludoi për asgjë, por dukej qartë se nëpërmjet pyetjeve të porositura të gazetarëve dërgoi mesazhin se gjithsesi ai e di se për cilin bëhet fjalë. Por, “faktori i huaj“ i destabilitetit është detektuar dhe ai ndoshta gjithsesi nuk është pa rëndësi, për këtë edhe e ka shqetësuar Vuçiçin, për më tepër që duket qartë se i ka ardhur nga Lindja.

Prej kohësh hamendësohet se rusët i dërgojnë mesazhe Vuçiçit që të mos ua kthejë shpinën, madje edhe në mediat ruse është përmendur se në Serbi, përveç Vuçiçit, Rusia ka edhe lojtarë të tjerë te të cilët llogarit. Ai gjithsesi është personi te të cilët rusët kanë shpresa, por nuk mund “të hedhë vickla” aq sa mendon. Rusia i’a ka frikën një zgjidhjeje të çështjes së Kosovës, ose më mirë të themi pranimit të vendimit të Brukselit, ajo ka shtyrë nga pika e fundit ku Europa e ka drejtuar gishtin, që është Serbia. Vuçiçi qëndron në disa karrike, bisedon me BE-në, mbështetet te Rusia, dhe tani është kthyer nga Kina si një karrike shtesë në të cilën mund të qëndrojë ulur.

Aleksandër Vuçiçi udhëton në Paris dhe në Bruksel për bisedime europiane mbi fatin e marrëdhënieve serbo-kosovare, pasiqë dështuan bisedimet në Uashington. Do të takohet me presidentin francez Emanuel Makron dhe me kancelaren gjermane Anxhela Merkel dhe të dielën edhe me kryeministrin kosovar Abdullah Hoti.

Për hir të së vërtetës, kotësia e protestuesve të cilët, mes tjerash, kanë kërkuar heqjen e rrjetit 5G, kanë protestuar kundër emigrantëve madje edhe kanë miratuar teorinë e Tokës si e rrafshët, shpie ujë në mullirin e Vuçiçit.

Presidenti serb ekulibron, tani mbetet të shihet se çfarë do të dalë nga kjo.

*Përktheu për Politiko.al: Xhelal Fejza