Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Gazetarët Profesionistë të Shqipërisë dënojnë dhunën ndaj Alfred Lelës: Dëshmi se sa i rrezikshëm po bëhet zanati i gazetarit nën qeverisjen e Ramës

Politiko 20 Maj 2020, 17:15
Gazetarët Profesionistë të Shqipërisë dënojnë

Shoqata e Gazetarëve Profesionistë të Shqipërisë dhe Lidhja e Gazetarëve të Shqipërisë dënojnë me forcë dhunën shtetërore të ushtruar nga policia ndaj kolegut Alfred Lela, si dhe punonjësve të tjerë të medias më 17 Maj, gjatë procesit të shembjes së Teatrit Kombëtar.

Në reagim kjo shoqatë gjykon se për sa kohë nuk ka një ndjesë publike

dhuna ndaj gazetarit Lela dhe e kolegëve të tjerë, nuk ka qenë e rastësishme, por e targetuar!

Po ashtu gazetarët e shoqatës i bëjnë thirrje kryeministrit të distancohet nga akte të tilla, që dëshmojnë se sa i rrezikshëm po bëhet profesioni i gazetarit në Shqipëri.

 “Deklaratat e ministrit të brendshëm se “tek policët duhet të shohim ministrin e brendshëm” është flagrante dhe justifikuese e dhunës barbare ndaj kolegut Alfred Lela dhe kolegëve të tjerë.

Shoqata e Gazetarëve Profesionistë të Shqipërisë dhe Lidhja e Gazetarëve të Shqipërisë i bëjnë thirrje kryeministrit Rama të distancohet nga akte të tilla, që dëshmojnë se sa i rrezikshëm po bëhet zanati i gazetarit nën qeverisjen e tij. Kujtojmë se një gazetar në detyrë duhet të jetë njëlloj i paprekshëm, si një punonjës me uniformë në detyrë! Heshtja për dhunën ndaj gazetarëve ka gjithë tiparet e, në mos të një direktive, të paktën të një bashkëfajësie shtetërore në një vend të NATO-s e në pritje të antarësimit në BE, që e ka shembur diktaturën 3 dekada më pare”, thuhet në reagim.

Të fundit