Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Gazetari denoncon skandalin: Qeveria po blen me 11 mln euro pallatin e ndërtuar në tokën e falur nga shteti

Politiko 20 Gusht 2019, 10:43

Gazetari Klodian Tomori ka ngritur dyshime të forta se qeveria shqiptare po blen me një shumë prej 11 milionë eurosh një pallat të madh të ndërtuar nga Dhoma Kombëtare e Avokatisë.

Gazetari ka sqaruar hap pas hapi se si qeveria i fali Dhomës së Avokatëve 25 mijë metra tokë shtetërore pranë fushës së Aviacionit me qellim ndërtimin e Korpusit te Avokatisë në 2013-ën, ndërsa sot qeveria po e blen si zyra për institucionet e reja te drejtësisë për 11 milionë euro.

Sipas Tomorit, nën zë flitet se e gjithë ndërtesa ka kushtuar 2 milionë euro, por ky është informacion i pakonfirmuar.

“Ky transaksion ka pikëpyetje te mëdha dhe shume ane te errëta. Është biznes i rëndë, që do të plasë shumë shpejt në publik. Boll më me institucione hibride, që ngrihet për të devijuar paratë e taksapaguesve në llogari të paqarta dhe me mekanizma të dyshimte”, denoncon gazetari.

Denoncimi i plotë:

Kujt po i shkojnë 11 milionë eurot e Polit te Drejtësisë?

Ne vitin 2013, qeveria i dha Dhomës Kombëtare të Avokatisë 25 mije metra tokë shtetërore falas pranë fushës së Aviacionit. Sipas vendimit, toka u dha me qellim ndërtimin e Korpusit te Avokatisë dhe nuk lejohej ndryshimi i destinacionit.

Dhoma e Avokatëve e ndërtoi Pallatin. Se me cfare çmimin dhe se me cfare parash e financoi, kjo nuk dihet, pasi Dhoma Kombëtare e Avokatisë është një OJF dhe jo Institucion Publik. Nën zë flitet se e gjithë ndërtesa ka kushtuar 2 milionë euro, por ky është informacion i pakonfirmuar sepse nuk është publik.

Tani Pallatin e ndërtuar mbi tokën e falur shtetërore, qeveria po e ble si zyra për institucionet e reja te drejtësisë. Cmimi i blerjes edhe ky ende jo publik, flitet se është caktuar 11 milionë euro.

Pra 11 milionë euro do te paguajnë qytetarët shqiptare për Dhomën e Avokatisë, për një pallat te ndërtuar në toke të falur shtetërore.

1-Kujt po i shkojnë paratë?

2-Si do te përdoren ato?

3-Pse u shkel vendimi i qeverisë, që ndalonte shprehimisht ndryshimin e destinacionit për pronën e falur?

4-Me ca baze ligjore është blere prona?

Sepse ligji nuk e lejon qeverinë te blejë prona private sipas qejfit, por e ka kushtëzuar vetëm me shpronësimet. Edhe këto me çmime te përcaktuara dhe vetëm kur përdoren për vepra publike qe kanë rendësi te veçante. Nuk e lejon njeri qeverinë te blejë prona private si te doje sepse po te ishte ashtu buxheti i shtetit do masakrohej nga pazaret.

Ky transaksion ka pikëpyetje te mëdha dhe shume ane te errëta. Është biznes i rëndë, që do të plasë shumë shpejt në publik. Boll më me institucione hibride, që ngrihet për të devijuar paratë e taksapaguesve në llogari të paqarta dhe me mekanizma të dyshimte. Sepse po na del Dhoma e Avokatisë si biznes ndërtimi, që merr troje publike falas dhe fiton miliona euro. Ca janë këta?