Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Gazetari – Ramës: Lëre propagandën, Konsullata Shqiptare në Nju Jork ‘për të qarë hallin’

Politiko 25 Shtator 2019, 12:34

Gazetari – Ramës: Lëre propagandën, Konsullata Shqiptare

Gazetari Flamur Vezaj ka reaguar ndaj kryeministrit Edi Rama për kushtet e Konsullatës Shqiptare në Nju Jork. Ai ka marrë shkas nga fotoja e kryeministrit me tre gra shqiptare kur ishte për vizitë në zyrat e OKB-së.

Gazetari ka rrëfyer një histori të tijën në zyrat e Konsullatës Shqiptare në Nju Jork, sipas të cilit ishin ‘për të qarë hallin’.

Konsullata shqiptare në NY dhe KM i eksituar

Flamur Vezaj

Pas dy viteve në SHBA, më erdhi dita të trokas në derën e Konsullatës shqiptare në Nju Jork për të aplikuar për pasaportën shqiptare! Rastësisht, takimi me koincidoi me datën që edhe KM Rama ishte në Nju Jork, në zyrat e OKB-së, ku mes tjerash paska postuar një selfie me disa vajza (fansa) ku dukej i eksituar!

Por mua më ndodhi e kundërta fatkeqësisht dhe më erdhi shumë inat! Pasi pritshmëria ishte tjetër meqenëse gjatë shkëmbimit të emaileve konsullja e kësaj zyre u tregua shumë e gatshme dhe orientuese për mënyrën e aplikimit online! E me të zbritur para derës së kësaj konsullate, u zhgënjeva!!! Jo nga konsullja por këto gjërat që po rendis më poshtë!!

Që në hyrje, dyert e sallës së pritjes ishin të mbyllura me dry dhe njerëzit burra, gra e fëmijë duhet të prisnin jashtë ndërtesës ose në koridorin e vogël të katit të parë! E familjaret shoqërues, në shkallë, makina ose parku përballë! Aq i vogël ishte korridori sa për tu dukur i madh, muret ishin veshur me pasqyra! Asnjë karrige për tu ulur dhe pritur radhën apo për të shfletuar Abetaret e sjella nga qeveria!!! Zemërgjerësia e konsulles, bëri që qytetarët si puna ime, të mos rrinin në këmbë në korridor dhe na ftoi që të uleshim në zyrën e saj!!! Po, po, në zyrën e saj të mbushur me shkresa, kopje e dokumente të ndryshme që lehtas soditeshin edhe nga ne që prisnim radhën për pasaporta!

Veç kësaj, njerëzit prisnin edhe jashtë si këta dy të moshuar që konsullja i mori duke i futur në zyrën ku funksionimi i kondicionerit ishte një fjalë e huaj!!! Por ajo që më tmerroi më shumë, ishte fakti se për nevojat personale, larg qoftë nëse konsullja nuk ishte në zyrë për arsyet e punës, ti duhet të shkoje te kafja aty afër, se banjo ishte e mbyllur me çelës pasi ndodhej tek salla e pritjes e kyçur me kohë me urdhër nga Tirana!!!

Veç kësaj, duke parë radhën në zyrën e pasaportave ku punonte vetëm një vajzë (!!!!) konsullja i erdhi në ndihmë duke lënë detyrat e saj dhe filloi të bëjë edhe detyrën e operatores duke fotografuar e regjistruar aplikantët për pasaporta!!! Pra, mes tjerash kjo ishte përshtypja ime në konsullatën shqiptare në Nju Jork ku vevc shqiptarëve të SHBA-ve që udhëtonin me disa orë aty vinin edhe qytetarë nga Kanadaja për të aplikuar për pasaportë, e duhet të prisnin në këmbë! Kështu që leri selfiet eksituese KM e propagandën, po kalo nga zyra konsullore dhe jepi urdhër rioshit Caka që të hapë sallën e pritjes, banjon dhe shtoni personelin e “paguani” dritat për kondicionerët se është TURP i madh!!!!