Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Gazetari tregon si u terrorizua nga 6 policë: Ministri i Brendshëm më telefonoi, sot reagimi për Renaldon është zero

Politiko 13 Prill 2019, 12:03
Gazetari tregon si u terrorizua nga 6 policë: Ministri i Brendshëm

Gazetari Armand Bajrami ka reaguar për dhunën e ushtruar dje ndaj kolegut Renaldo Salianji, në ambientet e Kuvendit nga truproja e kryeprokurores Arta Marku.

Bajrami rikujton një ngjarje të tij të pesë viteve më parë kur gjashtë policë e terrorizuan të fshinte fotot ku ata ishin fiksuar duke dhunuar një të ri. Ai thekson se për ngjarjen kishin reaguar të gjithë drejtuesit e policisë dhe vetë ish-ministri i Brendshëm, Saimir Tahiri, që e kishte telefonuar për t’i kërkuar ndjesë.

Ndërkohë sa i përket ngjarjes  së djeshme, Bajrami denoncon heshtjen që po tregohet nga institucionet për dhunën e ushtruar ndaj gazetarit në sy të deputetëve dhe prokurores së Përgjithshme të Shqipërisë.

Gazetarët kanë njoftuar se nesër, më 14 prill, do të protestojnë në orën 16:00-17:00 para Prokurorisë së Përgjithshme për dhunën ndaj kolegut.

Reagimi i plotë i Armand Bajramit:

NE, LAJMESAT QE PREKEMI

Si dje pese vjet me pare u gjenda ne nje situate absurde. Ndersa mbaja karten e gazetarit ne qafe pashe veten mes 6 policeve qe me terrorizuan, kercenuan dhe detyruan te fshija nga aparati im fotot e tyre teksa dhunonin nje te ri. Situata ndodhi ne oborrin e Komisariatit nr.2, atekohe jo me kangjella, por me nje avlli te larte, qe pengonte shikimin nga rruga. E theksoj kete, se ngjarja nuk u pa kurre publikisht.

48 oret ne vijim ishin intensive. U be nje gurgule qe per kohen dhe moshen e pata jo pak te siketshme.

Permes nje deklarate Policia e Tiranes me kerkoi ndjese publike per pengim ne ushtrimin e detyres. Kater efektive u pezulluan nga detyra dhe u tha qe u proceduan disiplinarisht. Zhvillova nje takim me Drejtorin e Policise Tirane dhe Drejtorin e Pergjithshem te Policise se Shtetit. Ish-ministri i kohes, ai qe sot eshte i pandehur tek Krimet e Renda, me telefonoi per 15 minuta ku po ashtu kerkoi ndjese.

Rasti u pasqyrua edhe ne raportin e vitit 2015 te DASH per zbatimin e te drejtave te njeriut ne Shqiperi.

Pas pese vitesh e gjej veten prape ne situate absurde.

Po rikujtoj andrallat e mia, nje episod te shemtuar prej disa te tjereve edhe me te shemtuar.

Kolegu Renaldo Salianji shtyhet nga nje punonjes garde para kamerave.

Nje tjeter koleg kercenohet nga nje pushtetar vendor. Dorjana Bezat dhe Erjon Skendaj pengohen nga policia (prape para kamerave) te raportojne ate cka ndodh. Gjithcka ne pak dite.

Cfare e ben me te shemtuar se rasti im, apo i shume te tjereve?!

Reagimi zero. Jo ai i kolegeve.

Reagimi zero i atyre qe kane vite qe na thone se po bejne shtet.

Reagimi zero i asaj policise qe pretendohet te jete bere me e mire dhe profesionale pas 5 vjetesh.

Reagimi zero i Gardes qe mbron te "shenjtet" e nahijes sone, me mandat apo te perkohshem.

Media ne Shqiperi nuk eshte ne formen e saj me te mire. Ka mekatet e saj. Ndonjehere shume te tilla.

Por nje gje e them me siguri te plote:

Pa median, te mire apo te keqe, ky vend do te ishte zi e me zi...

Të fundit