Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Gazetarja Klodiana Lala: Arta Marku të heshtë, Donika Prela e pafuqishme për të “varrosur” dosjen 339

Politiko 5 Qershor 2019, 17:17
Gazetarja Klodiana Lala: Arta Marku të heshtë, Donika Prela e

Gazetarja Klodiana Lala thotë se Arta Marku dhe Donika Prela u detyruan sot të dorëzohen përballë skandalit të dosjes 339, pas publikimit të audio-përgjimeve nga gazeta gjermane ‘Bild’. Në rubrikën ‘Opinion’ në News 24, Lala theksoi se pavarësisht se mediat shqiptare kanë publikuar më parë materiale nga kjo dosje, “të gjithë ne jemi dëshmitarë që Prokuroria kishte dhe nuk ka vepruar për t’i zbardhur.”

Reagimin e Prokurorisë së Krimeve të Rënda ku njofton për nisjen e hetimeve për manipulimin e votave në qarkun e Durrësit dhe të Lezhës, Klodiana Lala e konsideron dorëzim pa kushte të Donika Prelës, e cila, sipas saj, ishte e pafuqishme të “varroste” dosjen 339.

“Bëhen dy vite që përgjimet kanë qenë aty dhe Prokuroria nuk ka patur interes për t’i zbardhur. Donika Prela është dorëzuar pa kushte dhe është e pafuqishme për ta varrosur këtë dosje”, tha gazetarja.

Lala kërkoi edhe nga Prokurorja e Përgjithshme e Përkohshme, Arta Marku, që të heshtë dhe të mos bëjë ‘shoë’ tani që audio-përgjimet u publikuan nga gazeta gjermane.

“Mendoj që Arta Marku nuk ka asnjë rol, do të duhet të heshtë. Ka patur kohën e saj që të insistonte që këto dosje të zbardheshin. Nuk mund të dalë PPP-ja dhe të bëjë shoë pasi përgjimet u publikuan nga një media gjermane”, u shpreh Lala.

Sipas Lalës, dosja 399 tregon fytyrën e vërtetë të shtetit shqiptar.

“Një grup i mirëorganizuar kriminal që ka kapur të gjithë drejtuesit lokal dhe përcakton njerëzit që do të përfaqësojnë qytetarët shqiptarë”, tha Klodiana Lala.

Gazeta ‘Bild’ publikoi sot pesë audio-përgjime të dosjes ‘339’ që vërtetojnë akoma edhe më shumë lidhjet e Vangjush Dakos, kryebashkiak i PS në Durrës, dhe zyrtarëve të tjerë socialistë me bandën Avdylaj.

Të fundit