Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Gazetarja shqiptare tregon pse nuk shkon në Turqi: Më kanë thënë se mund të arrestohem për shkak të kritikave ndaj Erdogan

Politiko 29 Mars 2018, 19:57
Gazetarja shqiptare tregon pse nuk shkon në Turqi: Më kanë

Gazetarja Arbana Xharra ka reaguar për arrestimin dhe ekstradimin drejt Turqisë, të gjashtë shtetasve turq që jetonin dhe punonin në Kosovë. Ata akuzohen si bashkëpunëtor të Lëvizjes Gylen dhe Ankaraja i kishte shpallur në kërkim.

Xharra tregon se prej vitit 2013 nuk udhëton në Turqi dhe nuk përdor asnjë linjë fluturimi nëpërmjet saj për shkak se është paralajmëruar nga autoritetet e sigurisë së Kosovës për rrezikun e arrestimit. Gazetarja thotë se rrezikon burgun në Turqi për arsye se ka kritikuar në qëndrimet publike presidentin Rexhep Taip Erdogan.

Sa i përket ekstradimit të gjashtë ‘Gylenistëve’, Xharra e konsideron goditje të rënë për shtetin e Kosovës.

Reagimi:

Që nga viti 2013, unë nuk udhëtoj në Turqi, dhe nuk e shfrytëzoj asnjë linjë fluturimi nëpërmjet saj. Kjo, për shkak të paralajmërimeve nga organet tona të sigurisë se unë mund të arrestohem nga sigurimi i atjeshëm për qëndrimet e mia publike për autokratin Erdogan.

Ish- ambasadorja turke, sikurse edhe ambasadorja aktuale kanë shkruar letra të hapura kundër meje. Kam pas polemikë të ashpër publike me të dytën.

Nuk po i numëroj qindra kërcënime dhe fushatën e egër të erdoganistëve kundër meje.

Por, është fakt i ditur se Erdogani është aleat i Rusisë. Amerika dhe Evropa janë duke e shqyrtuar largimin e tij nga NATO për shkak të veprimeve të tij kundër agjendës evropiane. Erdogani është tiran që ka mbushur burgjet me gazetarë, intelektualë dhe eksponentë opozitarë. Erdogani çdo ditë kërkon nga Amerika deportimin e Gylenit në Turqi, për të nisur pastaj ciklin e hakmarrjes ndaj tij. Natyrisht se Amerika nuk bje e një kërkese të tillë.

Mijëra turq: profesorë, shkrimtarë, aktivistë që kanë guxuar të flasin haptazi kundër diktaturës dhe krimeve të Erdoganit u është hapur dera në Evropë dhe SHBA. Asnjë gylenist nuk i është dorëzuar Erdoganit nga perëndimi deri sot.

Këtë e paska bërë sot Kosova. Kjo është goditje e rëndë për shtetin tonë. Unë e kam rreziku familjen me angazhimin tim në funksion të alarmimit të shtetit dhe shoqërisë kosovare për rrezikun nga agjenda islamiste e Erdoganit për Kosovën. Do ta bëjë sërish të njëjtën gjë, nuk do të hesht!

Thjesht, ngase nuk jemi vilajet i Turqisë. Kosova është Evropë, e orientuar qartë nga Perëndimi, por në asnjë mënyrë nga Lindja.

Ma merr mendja, që teksa i lexojnë këta rreshta, shumë erdoganistë nëpër institucione, në universitet, në polici e në FSK, do të shkrehen nga gëzimi, me paramendimin se arrestimet e sotme janë triumf.

E di që ka edhe mijëra të tjerë ushtarë ideologjik të Erdoganit nëpër trojet shqiptare. Por, një dua t`u them. 500 vjet s'kanë arrit të na zhbëjnë, as edhe 5 mijë të tjera JO!

Edhe turqit me struktura paralele në Kosovë? Thaçi dhe Haradinaj: Nuk kemi informacion për ekstradimin e ‘Gylenistëve’

Të fundit