Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Gent Cakaj, ‘kali i Trojës’ për ndarjen e Kosovës”, gazetari përplaset me Baton Haxhiun:  Turp është me përkrahë Ramën

Politiko 29 Tetor 2019, 10:15
“Gent Cakaj, ‘kali i Trojës’ për ndarjen e

Gazetari i njohur në Kosovë, Berat Buzhala ka debatuar me analistin Baton Haxhiu, pasi ministri i Jashtëm në Detyrë, Genc Cakaj u cilësua si ‘kali i Trojës’ për ndarjen e Kosovës”.

Ishte gazetari Buzhala, i cili duke folur në emisionin ‘Open’, kur u pyet nëse do të ketë rivalitet në qeverisje mes Edi Ramës dhe Albin Kurtit, tha se ishte Rama ai që nisi i pari me aneksimin e Kosovës në kuptimin figurativ.

“Shkoi në Beograd foli për Kosovën, më pas vendosi dy ministra në kabinet. Patjetër që do ketë rivalitet ne qeverisje dhe modele.

Kur erdhi Rama në pushtet, klasa politike në Kosovë nisi të frikësohej prej tij, Thaci si dinak që është u përshtat shumë më shpejt. Nisi ta mbante afër. Rama ka frikë tani nga Albin Kurti.

Rivaliteti tjetër është Genc Cakaj, VV ka patur komunikatë për të. Pra, a do ta takojë Albini Cakajn, dhe a do ta përfaqësojë Cakaj Kosovën, apo kë? Apo cfarë do të përfaqësoje gruaja e Dardan Molliqajt (Besa Shahini) që është rival me Kurtin”, tha Buzhala, ndërsa këtu ka ndërhyrë analisti Haxhiu, duke i thënë gazetarit se duhet të kishte më shumë respekt për mënyrën se si flet.

Pjesë nga debati:

Baton Haxhiu: Ai duhet të ketë respekt për mënyrën se si flet për Gent Cakajn.

Buzhala: Pse duhet të kemi respekt për një politikan? Në dallim nga ti kam kërkuar falje partisë së Thacit, ka qenë veprim i gabuar i imi. Por nuk ka asgjë për tu shqetësuar ti fakti që përmenda Gentin. As ministër nuk është.

Haxhiu: U shqetësove nga komunikata dhe the me cinizëm prisni se do kërkojë falje.

Buzhala: E kanë kontestuar Gentin se e kanë cilësuar Kali i Trojës, si alegori, në projektin e ndarjes së Kosovës.

Haxhiu: Marre (turp)me fol kështu.

Buzhala: Jo, marre është me përkrahë Ramën që përkrah idenë e ndarjes dhe që quan mik i Aleksandër Vuçiç.

haxhiu: Jo s’ka lidhje

Buzhala: Genti ka qenë në shërbim të idesë dhe VV ka reaguar me të drejtë kundër tij.

Haxhiu: Mbaje mend këtë fjali, Genti në shërbim të idesë, djali që erdhi nga Holanda. Unë po të isha në vend të Cakajt të gjithë ata që flasin me këtë fjalor do të ballafaqoheshin në gjyq.

Buzhala: E kam dëgjuar në intervistën e dhënë te ti, te Klan Kosova kur thotë po ndryshojnë rrethanat në Ballkan dhe duhet me qenë fleksibil ndaj ideve.

 

Të fundit