“Gjëja më e frikshme që kam përjetuar”, Pink tregon ndjesitë kur ajo dhe i biri u infektuan me COVID-19

Këngëtarja Pink, ka treguar rrugën e saj drejt shërimit – pasi ajo dhe i biri i saj u infektuan me koronavirus. Pink ka ndarë me publikun dhe fansat e saj çdo detaj se si ajo dhe i biri i saj – vetëm 3 vjeç - kanë kaluar një nga ndjesitë më tmerrshme të jetës së tyre. Për “Ellen DeGeneres Show”, këngëtarja ka treguar se sëmundja shtëpinë e tyre në mes të marsit:

 “Erdhi një moment, aty nga 18, 19,20 marsi që temperatura e tij po rritej dhe nuk i zbriste për orë të tëra. Unë çohesha në mes të natës dhe shihja që nuk merrja dot frymë. Ndjeja që më duhej një aparat për frymëmarrjen për herë të parë në 30 vite. Aty nisa të frikësohem. Jameson më thoshte që kishte dhimbje në kraharor dhe e kishte të vështirë të mbushej me frymë. Aty ndalova dhe thashë, o Zot çfarë të bëjmë tani? Të shkojmë në spital? Ishte gjëja më e frikshme që s’e kisha menduar kurrë, gjatë gjithë jetës sime.”

Pink, pas shërimit ka dhuruar 1 milion dollar në luftën kundër koronavirusit dhe në fund dha një mesazh: “Faleminderit për të gjithë profesionistët tanë të kujdesit shëndetësor dhe të gjithë në botë që po punojnë kaq shumë për të mbrojtur të dashurit tanë. Ju jeni heronjtë tanë! Këto dy javët e ardhshme janë thelbësore: ju lutemi qëndroni në shtëpi Ju lutemi. Qëndroni në shtëpi”.