Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Gjekmarkaj: Projektligji për teatrin sanksionon dhunën dhe grabitjen publike, opozita ta politizojë këtë kauzë

Politiko 10 Qershor 2018, 15:25

Gjekmarkaj: Projektligji për teatrin sanksionon dhunën dhe grabitjen

Analisti Agron Gjekmarkaj thotë se projektligji, i cili fal tokën shtetërore privatëve për të ndërtuar kulla dhe shembur Teatrin Kombëtar sanksionon dhunën dhe grabitjen publike.

Gjekmarkaj shprehet se artistët duhet të rezistojnë dhe se çështja e Fatmir Xhafës nuk mbulohet me pluhurin e teatrit të shembur.

“Opozita duhet ta politizojë maksimalisht këtë kauzë. Pa drojë duhet të dalë në mbrojtje të teatrit. Ajo duhet ti nxjerrë njerëzit e saj si mburojë njerëzore rreth teatrit. Do te ishte një shërbim i vyer ndaj vendit dhe një akt konkret antidhune. Opozita duhet të mobilizojë qytetarët. Këtu nuk kemi një audipergjim që pret ekspertizë, kemi një grabitje, një dhunë të hapur e cila me vendosmëri mund të ndalet”, shkruan Gjekmarkaj.

Shkrimi i plotë

Sot doli lajmi i një projektligji që sanksionon dhunën dhe grabitjen publike. Ky projektligj i fal tokën shtetërore privatëve për të ndërtuar kulla dhe shembur Teatrin Kombëtar. Ky është një krim. Kjo është dhunë. Ky është një provokim shoqëror. Një tragjedikomedi e tillë nuk është vënë kurrë në atë skenë. Në oborrin e tij po luhet ajo.

Edi Rama nuk ka fuqi ta mbajë mbi vete këtë. Ai do ta ndajë këtë përgjegjësi të turpshme me parlamentin duke i bërë të gjithë, bashkëfajtorë!

Mirela Kumbaro e cila me cdo kusht do të rrotullohet mbi atë karrige ministrore sëbashku me Erjon Velinë përgatitën këtë projktligj që i saldon ata në krah të interesave të Edi Ramës dhe i vendos si askend tjeter kundër artistëve, njerëzve të kultures e kujdo që respekton dicka nga tradita e këtij vendi.

Kumbaro është ministrja që për asnje cast nuk mbrojti interesat e njerëzve që duhet të administrojë. Ajo do të kujtohet gjatë për këtë.

Edi Rames i intereson nomadizmi, një vend pa kujtesë, pa kritikë që ti sundojë më lehtë shqiptarët.

Si mund të pretendosh integrimin ne Europe kur shemb të vetmin Teatër Kombëtar?

Artistët duhet të rezistojnë. Çështja e Fatmir Xhafës nuk mbulohet me pluhurin e teatrit të shembur.

Opozita duhet ta politizojë maksimalisht këtë kauzë. Pa drojë duhet të dalë në mbrojtje të teatrit.

Ajo duhet ti nxjerrë njerëzit e saj si mburojë njerëzore rreth tearit. Do te ishte një shërbim i vyer ndaj vendit dhe një akt konkret antidhune.

Opozita duhet të mobilizojë qytetarët. Këtu nuk kemi një audipergjim që pret ekspertizë, kemi një grabitje, një dhunë të hapur e cila me vendosmëri mund të ndalet.