Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

OP-ED

Gjenerali nudo-Psikod’Rame me tre akte

Politiko 23 Nëntor 2018, 20:35

Zef Zefi

Akti i pare: Dekreti-shkarkimi kumtoi; "për me qënë rilindas duhet të zhvishesh, z. gjeneral. Lakuriq. Rrugë tjetër nuk ka.” -Kush more unë? Kurrën e kurrës. Për kryet'em' s'ma ka heq kush xhamadanin, përjashtuar nana e shkolla e "begsit" qysh kur isha vocrrak. Ene në dush këmishën e nënbrezit s'e kam heq' kurrë. E dëgjoi këtë debat Drejtësia e "keqe" që kalonte aty pari. Mblodhi drejt-anakët me frak dhe aty për aty shkroi vendim të formës së prerë: "Jo lakuriq Gjenerali. Edhe sikur mustaqet t'i bien Presidencës. Gjenerali do të gjeneralojë jo vetëm i veshur me uniformë e spaleta siç e ka bërë shkolla, po do të kthehet në detyrë. Pikë."

Si në "skaramanci" ekstreme ndodhi, ç'nuk kishte ndodhur kurrë. Në vend të binin spaletat e Gjeneralit, filluan t’i bien mustaqet Presidentit. Buza epërme e Presidencës u shfaq nudo. Mbas këtij triumfi gjenerali nxori nga brezi biçakun e "demokleut" dhe e ndau në dy rriska vendimin e gjykatores. Për vete mbajti dorovinë e dopio-rrogës dhe gradave dhe uniformës, rriskën tjetër e hodhi në kosh. Disa media e shpjeguan këtë zemrim të gjeneralit me konfliktin e interesit, jo aq me Nishan-Presidentin sa me postin e President-Nishanit. Sipas shumicës së tyre, nuk do të ndodhte as lirimi, as incidenti i mustaqeve, po qe se gjenerali do të ishte atje ku e kishin caktuar lideri i madh me propozim të shkrimtarit të madh.

Ndërkohë gjenerali kishte rrëmbyer uniformën, fërkoi me pastë shndritëse togëzat, rripat e gradat derisa ato xixuan, dhe u nis duke lënë kështu Shtabin e Ushtrisë për shtabin e rilindjes.

Akti i dytë: Rruga nga Shtabi në shtab nuk ishte e gjatë, po as pa peripeci. Kishte provuar parada e kalime në rivistë para udhëheqësish që ia brofnin e ngazëllenin zemrën djaloshare, kur NATO, Traktati i Varshavës, dridheshin nga eksplozivet e groshës ushtarake të partisë dhe karabina e kovaçhanes kineze, siç kish provuar boll' marshime të gjata akademike. Ajo që si kish bërë vaki kurr’iherë, përveçse në mënyrë "platonike" ishte të marshonte mes për mes "Edenit" të një partie politike. Lakuriqeshat pa qoftë një gjethe te shenja e gjinisë, me urdhër nga lart, për nder të tij, kishin formuar një korridor spektakolar ku do kalonte gjenerali drejt shtabit të ri. Këngët bestyte që ato këndonin, gjenerali s’i mori vesh kurrë, por duke bashkuar gjestet e duarve të shtrira në drejtim te hall(at)it të bash-nudistit, me "oktavin" ngritës të zërit, sa herë duart i afroheshin "hallit të shefit," e mori me mend se e gjithë kjo melod'Ramë i dedikohej ...ngritjes së "shtetit" që s'po i ngrihej...

Sidoqoftë gjenerali me sa thonë, as u josh as u troshit. Ai vijoi rrugën për në "itakën" ku ishte nisur po aq largpamës i patundur sa "udhëseo" i moçëm i Egjeut. S'u desh shumë po pa e vendosur mirë ndenjurën në ndejësen e zyrës, midis zhurmërisë jashtë u dëgjua një "bëlldum" i ububushëm. "Kishte rrëshqitur vetingu, thanë, dhe ky kishte rënë mbi drejtësinë e sipëme, kjo e fundit copë-copë. Fiks shkaku "kanceroz" i mosngri-tjes së "...shtetit" të shefit. Për "bëlldumin" tjetër që pasoi të parin, nuk kërkoi fare informata, mbasi rrapëllima e qelqeve sqaronte gjithçka. Parandjenja i thoshte se ishte koka e "qemalit" me syzet e florijta që krekosej nga maja e mullarit të barit... As vetë nuk e kuptoi sesi kjo rënie e "qemalit" kaq "human" iu asocua me fshatarin e kahershëm që s'ditën ta qanin vajtimoret. Fshatarin e shkretë lajmi se qe bërë me djalë, e gjeti n'majë të mullarit e ky në vend të falenderonte Zotin, filloi të nxirrte nga pantallonat veglën kontribuese për lindjen e djalit, dhe ra e vdiq me gjithë të në doré. Bëlldumin e tretë e pasoi një heshtje si bisht komete, sa s'u mor'vesh send prej sendi. Ndërkohë gjenerali përfitoi nga rasti për ti dhënë një korrektim librit të tij të parë për "skender’begun" e ri.

Akti i tretë: -Të do shefi në zyrën e vet- i tha një rilindas egërshan, pa gjethe përpara e me lesh gjoksi si ferra iriqi. Gjenerali nuk impresionohej më nga kjo uniformë rilindase. Mori drejtqëndrim gati-tu, rropati takën e këpucës dhe u nis drejt zyrës Madhe me flutura. -Merre këtë propozim-dekret. Është kopja tënde. Kupton ti nga këto shkresa? -Si urdhëron shoku kryerilindas. Kuptoj. Mjekra e gjeneralit kishte ngrirë "qendër-ndero" ndersa gradat dridheshin si varg troftash në ujin e ftohtë të Urakës. Sqarimi i mëtejshëm i shefit konsistonte se me t'u kthyer dekret-propozimi nga noteri i Presidencës "pa mustaqe" gjenerali do të konvertohej me të gjitha atributet në rilindas prej vërteti. Tani me kokën "nudo" gjenerali-nudo, ka mësuar me "spelling" fjalë për fjalë këngët besyte të rilindjes, dhe i ka hyrë vrullshëm me sa thuhet që t'i japë "një dorë" ngritjes... së "shtetit" të shefit.