Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Gjermania tregon provat: Opozitari rus u helmua me agjent nervor kimik, Kremlini të japë shpjegime

Politiko 3 Shtator 2020, 12:49
Gjermania tregon provat: Opozitari rus u helmua me agjent nervor kimik, Kremlini

Udhëheqësi rus i opozitës Alexey Navalny u helmua me një agjent nervor kimik nga grupi Novichok, tha qeveria gjermane, duke kërkuar që Kremlini të japë shpjegime.

Navalny, i cili u sëmur në një fluturim nga qyteti siberian i Tomsk për në Moskë muajin e kaluar, është duke u trajtuar ende në një spital të Berlinit, shkruan CNN.

Zëdhënësi i qeverisë gjermane Steffen Seibert tha se testet toksikologjike në mostrat e marra nga Navalny ishin kryer në një laborator ushtarak gjerman, duke siguruar "prova të qarta të një agjenti nervor kimik" nga grupi Novichok - armë kimike të epokës Sovjetike.

Në një deklaratë, Seibert tha se ishte "befasuese" që "Navalny ishte viktimë e një sulmi me një agjent nervor kimik në Rusi".

Qeveria federale dënon këtë sulm duke i kërkuar paralelisht qeverisë Ruse të japë shpjegime lidhje me incidentin.

Në një konferencë shtypi dje, Kancelarja gjermane Angela Merkel tha se rezultatet e provave provuan se Navalny kishte qenë viktimë e një helmimi.

"Alexey Navalny ishte viktimë e një sulmi me një agjent nervor kimik të grupit Novichok," tha Merkel. "Ky helm mund të zbulohet pa dyshim në mostra."

"Kjo do të thotë që Alexey Navalny është padyshim viktimë e një krimi," shtoi ajo.

"Tani ka pyetje shumë serioze të cilave vetëm qeveria ruse mund dhe duhet t'u përgjigjet," tha Merkel. "Fati i Alexey Navalny ka marrë një vëmendje të madhe në të gjithë botën. Bota do të presë një përgjigje."

Novichok u përdor në një sulm të marsit 2018 ndaj ish-spiun rus Sergei Skripal në katedralen angleze të qytetit Salisbury.

Skripal dhe vajza e tij, Julia Skripal, të dy u sëmurën rëndë pas sulmit. Ata mbijetuan por Daën Sturgess, një grua 44-vjeçare e cila u ekspozua aksidentalisht ndaj agjentit nervor të shkallës ushtarake, më pas vdiq.

Zëdhënësi i Kremlinit Dmitry Peskov tha të mërkurën se Kremlini nuk kishte marrë ndonjë informacion nga Gjermania se Navalny ishte helmuar me Novichok, sipas agjencisë shtetërore ruse të lajmeve TASS.

Të fundit