Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

‘Gjoba dhe burg për shkelësit’, çfarë ndodh me ndryshimet në Kodin Penal pas përfundimit të gjendjes së fatkeqësisë natyrore

Politiko 23 Qershor 2020, 11:41

‘Gjoba dhe burg për shkelësit’, çfarë ndodh me

Në 23 qershor ka përfunduar zyrtarisht gjendja e fatkeqësisë natyrore, e votuar dy muaj më parë në Kuvend me vendim të Këshillit të Ministrave, për shkak të pandemisë covid-19 që përfshiu edhe Shqipërinë.

Në vazhdën e kësaj situate, më 23 prill hynë në fuqi edhe ndryshimet ligjore në Kodin Penal, që parashikonin dënim me burg për personat që nuk respektojnë karantinimin në kohë pandemie.

Ky ndryshim ngjalli debate të shuma dhe u kritikua që pas sugjerimit në Komisionin e Ligjeve.

Megjithatë, sot kjo gjendje përfundoi, por ministrja e Shëndetësisë, Ogerta Manastirliu deklaroi do të vijojnë të mbeten në fuqi disa prej masave të domosdoshme anti-covid, në kushtet kur vendi po përballet me një trend në rritje të rasteve ditore pozitivë me covid-19, ashtu edhe në shtrimet në spital. Sipas ministres, vendi vijon të jetë në gjendje epidemie.

“Përfundimi i gjendjes së fatkeqësisë natyrore nuk e ul gatishmërinë tonë në përballje me këtë virus të rrezikshëm, pasi vendi vijon të jetë në gjendje epidemie si pasojë e situatës së shkaktuar nga SARS-COV2.

Që do të thotë që do të vijojnë të mbeten në fuqi të gjitha masat e marra në kuadër të gjendjes se epidemisë. Bazuar në ligjin për sëmundjet infektive, do të vijojnë të jenë të ndaluara grumbullimet e çdo lloji, si rrezik i lartë për përhapjen e virusit, do të vijojë karantinimi i personave të konfirmuar me COVID19 si rregull përgjatë gjithë kësaj gjendje, do të vijojnë të jenë në fuqi masat për të kufizuar përhapjen e infeksionit.

Janë armët e vetme që kemi, për të shmangur përhapjen e këtij virusi të rrezikshëm që është ende prezent”, tha ministrja.

Rama: Ndryshimet e Kodit Penal të përkohshme

Mes debateve para votimit në Kuvend, kryeministri Edi Rama përmendi në në foltoren e Kuvendit disa shembuj që po ndiqnin vende të ndryshme evropiane, në bazë të Kodit Penal ndaj shkelësit gjatë kësaj periudhe pandemie.

Sipas Ramës, këto masa zgjasin vetëm gjatë gjendje së fatkeqësisë nga epidemia dhe më pas mbaron efekti i tyre.

“Është i vetmi Kod Penal në Europë që nuk ka asgjë për pandeminë, ka vetëm për kafshët si karantinohen.

Pse, Sllovakia është diktaturë? Ka 3-10 vjet burg për shkelësit, po Italia e cila ka burgim të përjetshëm.

Pse duhen këto masa? Këto nuk janë përgjithmonë, vetëm gjatë gjendje së fatkeqësisë nga epidemie, janë për tani dhe javët apo muajt në vijim dhe më pas mbaron efekti i tyre dhe janë në kod nëse ndodhin sërish. Duhen se po të shihni numrin e shkeljeve ka ardhur në rritje”, tha Rama në seancën e 16 prillit.

Ndryshimet në Kodin Penal

Gjobë ose burgim deri në 6 muaj nëse nuk zbaton urdhrat

Gjobë ose deri në 2 vite burg për bizneset që nuk zbatojnë urdhrat

Nga 2 deri në 3 vite burg nëse je ose jo mbartës i sëmundjes dhe nuk zbaton karantimin apo izolimin

Nga 2 deri në 5 vite burg nëse përhap me dashje sëmundjen mbartëse

Gjobë ose 2 vite burg kur kjo vepër penale bëhet nga pakujdesia

Nga 3 deri në 8 vite burg kur kjo vepër ka shkaktuar pasoja të rënda

Lexo edhye: https://politiko.al/ndryshimi-i-kodit-penal-meta-pse-rashe-dakord-me-qeverine/

Lexo edhe: Skadon pas dy muajsh ‘fatkeqësia natyrore’, cilat janë masat që do të mbeten në fuqi dhe skenarët nëse tejmbushen spitalet