Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Gjosha: Një shtet që nuk njeh ligjin dhe Kushtetutën quhet diktaturë

Politiko 11 Qershor 2019, 12:41
Gjosha: Një shtet që nuk njeh ligjin dhe Kushtetutën quhet

Ish-ministrja e Integrimit, Klajda Gjosha e cilëson si një situatë të paprecedentë përplasjen e fundit politike, pas zhdekretimit të zgjedhjeve vendore nga presidenti.

Sipas Gjoshës, reagimet pas këtij akti nga ana e mazhorancës dhe mënyra se si institucione të pavarura marrin urdhra partiakë, të jep idenë se vendi po shkon drejt një shteti të marrë peng nga një grup individësh që kërkojnë me çdo kusht rrënimin e demokracisë.

“Kjo që po ndodh në Shqipëri, është jo vetëm e paprecedentë, por duket se ne po shkojmë drejt një shteti të marrë peng nga një grup individësh që kërkojnë me çdo kusht rrënimin e demokracisë dhe të të drejtave të njeriut!

Në vend që dialogu të ishte kryefjalë e këtij momenti kyç për Shqipërinë europiane, fatkeqësisht duket sikur politika është zhytyr në një marrëzi anti institucionale dhe anti ligjore!

Shqiptarëve çdo ditë e më shumë po i mungon qeverisja, përkujdesja, siguria, liria dhe respekti ndaj të drejtave themelore si qytetarë të këtij vendi.

Sot vendi është përçarë në parcela politike ku Kryeministri flet me ‘Ne dhe Ata’, ku është absurde të mendosh se luftën e bën me shqiptarët e thjeshtë, ndërkohë që lufta e vërtetë duhet të ishte me varfërinë, krimin, korrupsionin e padrejtësinë!

Përfaqësuesit e institucioneve të pavarura marrin urdhra partiakë, si të ishim në një diktaturë të egër të shumë viteve më parë. Parlamenti funksionon në ilegjitimitet dhe paturpësisht prodhon rezoluta të sforcuara që po njollosin vendin. Ndërkohë që marrëzia vazhdon më tej me organizimin e zgjedhjeve imagjinare, në shkelje të Kushtetutës, duke injoruar zërin e shqiptarëve që janë ende në kërkim të votës së lirë! Dhe për të mos u ndalur këtu, çmendina politike vazhdon më tej me vendime të Këshillit të Ministrave për të ndryshuar hartën territoriale të Bashkive që është një çështje ligjore në thelbin e saj dhe jo vendim që merret qorrazi nga një kabinet qeveritar!

Jam e keqardhur që shteti ka dalë nga shinat e kornizës ligjore dhe kushtetuese. Sepse një shtet që nuk njeh ligjin dhe Kushtetutën quhet Diktaturë!”, shkruan Gjosha.

Të fundit