Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Gjykata Kushtetuese/ Meta pret në takim Ruçin: Dakordësi në caktimin e ekspertëve për të filluar punën për çështjet urgjente

Politiko 30 Qershor 2020, 14:00

Gjykata Kushtetuese/ Meta pret në takim Ruçin: Dakordësi

Presidenti Ilir Meta ka zhvilluar sot një takim me Kryetarin e Kuvendit, Gramoz Ruçi. Mësohet se, në fokus të këtij takimi ishte Opinioni i Komisionit të Venecias mbi procesin e emërimeve në Gjykatën Kushtetuese. Presidenti Meta i ka cilësuar tejet të rëndësishme rekomandimet e Komisionit të Venecias, ndërsa ka kërkuar që ato të vihen menjëherë në zbatim.

Kreu i lartë i Shtetit, po ashtu, është shprehur i gatshëm për një interpretim unik të rekomandimeve nga Venecia dhe bashkërendim për zbatim kushtetues.

Gjithashtu, dy institucionet kanë rënë dakord të caktojnë ekspertë për të filluar punën në identifikimin e çështjeve urgjente që kërkojnë zgjidhje.

Njoftimi i Presidencës:

Presidenti Meta pret në takim Kryetarin e Kuvendit, Sh.T.Z Gramoz Ruçi

30 qershor 2020

Presidenti Meta theksoi se pas publikimit të Opinionit të Komisionit të Venecias mbi procesin e emërimeve në Gjykatën Kushtetuese, është tejet e rëndësishme që rekomandimet e Komisionit të vihen menjëherë në zbatim.

Duke ripërsëritur domosdoshmërinë e bashkëpunimit ndërmjet të gjitha institucioneve me qëllim ripërtëritjen dhe bërjen funksionale sa më parë të Gjykatës Kushtetuese dhe Gjykatës së Lartë, Presidenti Meta shprehu gatishmërinë e Tij të plotë për të nisur menjëherë punën për një interpretim unik të rekomandimeve dhe bashkërendimin për zbatimin kushtetues dhe ligjor të tyre.

Presidenti Meta, theksoi edhe një herë se ky proces tashmë është nën monitorimin jo vetëm të Komisionit të Venecias, por edhe të Bashkimit Europian, Bundestagut gjerman, parlamentit holandez, danez, etj, vlerësimi i të cilëve do të jetë kyç për nisjen e procesit të negociatave të anëtarësimit me Bashkimin Europian. Këtij qëllimi duhet t’i shërbejë bashkëpunimi gjithëpërfshirës edhe për zbatimin e 15 kushteve të BE.

Kryetari Ruçi duke mirëpritur ftesën e Presidentit Meta për këtë takim dhe bashkëndarë të njëjtën pikëpamje mbi nevojën e bashkëpunimit ndërmjet institucioneve, theksoi se e konsideron të papranueshme zvarritjen e ripërtëritjes së Gjykatës Kushtetuese dhe të Gjykatës së Lartë nga institucionet e pavarura.

Kryetari Ruçi, theksoi se, Kuvendi i Shqipërisë në rezolutat e miratuara gjatë raportimeve vjetore të organeve të qeverisjes së sistemtit të drejtësisë (KLGJ KLP), ka vendosur detyrimin e këtyre organeve për të plotësuar sa më shpejt të gjitha vakancat për në Gjykatën e Lartë.

Presidenti Meta dhe Kryetari Ruçi ranë dakord për nisjen e menjëhershme të punës nga ekspertët e të dy institucioneve për identifikimin e të gjitha çështjeve që kërkojnë trajtim urgjent dhe afat-mesëm, dhe dakordësimin e masave që do të duhet në ndërmerren në zbatim të tyre.