Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Grabiti portofolin në dyqanin e Blerina Bombajt, arrestohet vjedhësi serial

Politiko 26 Korrik 2018, 18:18

Grabiti portofolin në dyqanin e Blerina Bombajt, arrestohet vjedhësi

Dietologia Blerina Bombaj denoncoi publikisht me video dy ditë më parë një person, i cili vodhi portofolin e një punonjeseje të saj me 20 mijë lekë të reja, kartën e identitetit dhe patentën në ambientet e punës.

Sakaq, policia e ka arrestuar autorin, i cili është shtetasi Durim Sema, 55 vjeç, banues në Tiranë, autori i një serie vjedhjesh në kryeqytet.

55-vjeçari u arrestua nga Shërbimet e Policisë të Komisariatit Nr.1. ndërsa i janë sekuestruar në cilësinë e provës materiale sendet të cilat dyshohen se janë vjedhur prej këtij shtetasi.

Gjithashtu nga veprimet hetimore të kryera rezulton se ky shtetas është autor edhe i tre vjedhjeve të tjera të ndodhura më parë në Kryeqytet.

Njoftimi i policisë:

I vjedh portofolin një klienteje në një dyqan dietologjik dhe ditën tjetër në zyrat e një Agjencie, tenton të vjedh dhe një tjetër shtetas.

Arrestohet në flagrancë 55-vjeçari nga Shërbimet e Policisë të Komisariatit Nr.1.

Sekuestrohen në cilësinë e provës materiale sendet të cilat dyshohen se janë vjedhur prej këtij shtetasi.

Gjithashtu nga veprimet hetimore të kryera rezulton se ky shtetas është autor edhe i tre vjedhjeve të tjera të ndodhura më parë në Kryeqytet.

Nga Shërbimet e Policisë të Komisariatit Nr. 1, u arrestua në kushtet e flagrancës shtetasi:

– Durim Sema, 55 vjeç, banues në Tiranë.

Shtetasi i lartpërmendur në rrugën “Themistokli Gërmenji”, në zyrat e një Agjencie ka tentuar të vjedh shtetasin N. S., ndërkohë që po një ditë më parë në rrugën “Brigada 8”, në një dyqan dietologjik, i ka vjedhur portofolin shtetases V. T.

Nga veprimet e kryera hetimore rezulton se ky shtetas është autor edhe i tre vjedhjeve të mëposhtme :

– Vjedhjes së ndodhur më datë 09.03.2018, ku shtetasit A. K., në rrugën “Xhorxh Bush”, i janë vjedhur një sasi lekësh.

– Vjedhjes së ndodhur më datë 30.03.2018, ku shtetases N. T., në rrugën “Papa Gjon Pali”, në klinikën e saj i kanë vjedhur një sasi lekësh.

– Vjedhjes së ndodhur më datë 10.05.2018, ku shtetases V. U., i kanë vjedhur portofolin në zyrë.

Janë sekuestruar në cilësinë e provës materiale sendet e mëposhtme të dyshuara të vjedhura prej këtij shtetasi :

– portofol

– syze dielli dhe optike

– një sasi lekësh

– orë dore

– aparat cellular

Materialet iu referuan Prokurorisë së Rrethit Gjyqësor Tiranë në ngarkim të shtetasit të lartpërmendur për veprën penale të “Vjedhjes”, parashikuar nga neni 134 i Kodit Penal.