Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Gramatikisht saktë, analiza e Eduart Ndocaj: Ja dështimet e Rama 1

Politiko 10 Korrik 2017, 22:04
Gramatikisht saktë, analiza e Eduart Ndocaj: Ja dështimet e Rama 1

Eduart Ndocaj ka publikuar një status në Facebook ku bën një analizë të 'Qeverisë Rama' duke e quajtur “Dështimet e Rama 1”.  Ndocaj ka listuar disa nga të metat e Ramës duke nisur me inkriminimin e listave , me korrupsionin dhe shumë probleme të tjera.

Në këtë analizë vërehet një respektim i gramatikës gjuhësore, gjë e cila nuk është karakteristikë e “Kaubojsit” dhe pse aty këtu ka ndonjë “ë” tepër ose ndonjë shkronjë të harruar mes fjalëve. Megjithatë ne vëndosëm që këtë analizë ta quajmë gramatikisht të saktë.

Statusi i plotë:

Ja dështimet e Rama1!

Rama u ka bërë thirrje qytetarëve që të denoncojnë gabimet e qeverisë së tij dhe madje ka kërkuar edhe emra. Kjo sigurisht është një metodë komuniste, sepse kërkon rekrutimin masivë të qytetarë për tu bërë spiun. Pra, Rama po bën thirrje publike që shqiptarët të bëhen vullnetarë të shërbimit informativë ose ndoshta të një agjencie të veçantë në shërbim të Kryeministrit që në të vërtetë nuk ka për qëllim të rris cilësinë e shërbimeve në qeverisje, por të zbulojë armiqtë e Ramës e sigurisht armiq sipas tij janë të gjitha ata që nuk janë dakord me idetë dhe modelin e Ramës.

Kjo është një periudhë e vështirë për shqiptarët, sepse Rama me fitoren e “vjedhur” në 25 qershor ua ka futur shqiptarëve frikën në palcë sa askush nuk ka guximin minimal të flas për të, kundër tij apo për PS. Shqiptarët e frikësuar nga pushteti absolutë i Ramës preferojnë të flasin e të sulmojnë kreun e Opozitës e të mos thënë asgjë për fajet dhe pasojat e “Qeverisë Rama”. 

Frika dhe paniku i përhapur nga modeli Rama tek qytetarët është një dëshmi e qartë se shqiptarët tashmë me vetëdije po rrëshqasin drejt një servilizmi maksimal dhe drejt një diktature të sigurt. 

Të rreshtosh gabimet apo defektet e Ramës është shumë e thjeshtë, por të flasësh hapur për to duhet një kurajë e fortë. Megjithatë, dikush duhet të flas, sepse heshtja është një bindje e sigurt përballë një diktature që do të sulmojë e ndëshkoj qytetarët e thjeshtë që janë të destinuar apo kanë zgjedhur të jetojnë në Shqipëri. 

Eksperiencat negative me “Qeverinë Rama” i kam denoncuar vazhdimisht e çdo ditë në cilësinë e deputetit. 

Denoncimet e mia kanë nisur që nga shërbimi katastrofë i shërbimit diplomatik i mbushur me sekser e njerëz të korruptuar e deri tek Shërbimi Social e tek Shërbimi shëndetësor. 

Në shumicën e rasteve denoncimet e mia kanë qenë më fakte konkrete e me emra konkrete, por Rama kurrë nuk mori asnjë masë ndëshkuese ndaj tyre. 

Madje, shumicën prej tyre i ka promovuar edhe me lart në nivele drejtuese. 

Problemet e Rama 1 janë të shumta dhe do të jenë edhe vazhdimësi e Rama2 që do të sjellin pasoja edhe më të rënda për qytetarët. 

Ja kush janë disa të meta të Ramës:

1. Inkriminimin e listave dhe të Parlamentit të Shqipërisë

2. Inkriminimit të Politikës 

3. Vendosjen e politikës në shërbim të personave të inkriminuar

4. Blerjen e votës dhe përdorimin e të inkriminuarve në fushata elektorale

5. Krijimin e një klike të ngushtë pushteti që nuk përfaqësojnë interesat e qytetarëve

6. Përdorimin e propagandës për të deformuar realitetin social-ekonomik

7. Hashashizimin e shoqërisë dhe Shqipërisë

8. Rritjen e energjisë elektrike

9. Burgosjen e personave për energji elektrike

10. Varfërimin e shqiptarëve

11. Shkatërrimin e sistemit arsimor

12. Dhunimin e medias së lirë dhe përdorimin e saj për propagandë

13. Diskriminimin e Veriut

14. Politizimi i administratës

15. Rrënimi i investimeve të huaj

16. Rritja dhe vjedhja e shqiptarëve përmes naftës dhe benzinës

17. Mashtrimin i emigrantëve për votën 

18. Mungesa e investimeve në strukturë

19. Rritja e korrupsionit

20. Mashtrimi me kompensimin dhe rikthimin e pronës

21. Mashtrimi me legalizimin e shtëpive

22. Përjashtimi i të varfërve nga mundësia për shkollim

23. Rritja e terrorit dhe e frikës përmes përdorimit dhe abuzimit me pushtetin

24. Braktisja e të rinjve nga punësimi për shkak të punësimeve të militantëve dhe simpatizantëve të PS

25. Pazarit i turpshëm për Presidentin e Republikës

26. Stimulimi dhe promovimi i shitblerjes së deputetëve

Nga Eduart Ndocaj

Të fundit