Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Gramoz Ruçi dhe Taulant Balla zgjedhin ‘model të demokracisë’ shtetin e BE-së që do përballet me sanksione nga Brukseli

Politiko 13 Korrik 2018, 11:18

Gramoz Ruçi dhe Taulant Balla zgjedhin ‘model të

“Polonia është për Shqipërinë një vend partner e mik dhe përfaqëson një nga modelet më të suksesshme të progresit drejt demokracisë dhe integrimit evropian”, do shprehej pak ditë më parë në Tiranë kryeparlamentari Gramoz Ruçi gjatë takimit me Krzysztof Kwiatowski, president i Zyrës Supreme të Auditimit të Polonisë.

Takimet e Ruçit dhe zyrtarëve të tjerë shqiptarë me homologët e Polonisë kanë qenë të shpeshta muajt e fundit dhe është e vërtetë që ky shtet është kthyer ndër mbështetësit më të mëdhenj të Shqipërisë në procesin e anëtarësimit në Bashkimin Evropian. Por, pavarësisht marrëdhënieve dypalëshe dhe interesave të momentit, a mund të konsiderohet Polonia modeli i demokracisë brenda BE-së, që Shqipëria duhet të ndjekë?

Ditën e djeshme, Ruçi, së bashku me Taulant Ballën, kanë marrë pjesë në Samitin e Kryetarëve të Parlamenteve të Europës Qendrore e Lindore në Varshavë.

“Pavarësisht diferencave midis tyre, ato konvergojnë në një drejtim kryesor: vlerat europiane. Europianizimi i shoqërive tona është tipar i kohës. Prandaj bashkëpunimet tona dypalëshe dhe rajonale duhet të kenë si yll polar Bashkimin Europian, si një bashkim vlerash, aspiratash, vizionesh dhe qytetarësh europianë”, ka thënë në Varshavë kreu i Kuvendit të Shqipërisë.

Pavarësisht se Ruçi dhe Balla e paraqesin Poloninë si modelin e demokracisë të cilin Shqipëria duhet të ndjekë, situata në vendin e Bashkimit Evropian paraqitet ndryshe.

Varshava rrezikon seriozisht të përballet me sanksione të ashpra nga Brukseli për shkak të hapave mbrapa që ka bërë në sistemin e drejtësisë. Partia në pushtet, ‘PiS’ ka ndërhyrë në sistem dhe po tenton të përcaktojë emërimin e gjykatësve të rinj në Poloni, duke marrë nën kontroll Gjykatën e Lartë.

Parlamenti Evropian i ka dënuar me anë të një letre të hapur projektligjet polake, duke i konsideruar si dobësim të drejtësisë. Edhe për Komisionin Evropian kjo sjellje është totalisht e papranueshme. Institucioni më i rëndësishëm i BE ka paralajmëruar nisjen e procedurave kundër Polonisë.

Masat kundër këtij shteti parashikohen që nga shkurtimi i fondeve që merr nga BE, propozim që mbështetet edhe nga kancelarja gjermane, Angela Merkel; dhe deri te heqja e të drejtës së votës në Këshillin Evropian.

“Taksapaguesit gjermanë apo suedezë nuk duan që me paratë e tyre të paguajnë vendosjen e një lloj diktature në një vend tjetër të BE-së”, është shprehur Vera Jourova, komisionere e BE-së për Drejtësinë.

“Pavarësia e gjyqësorit në Poloni po shfuqizohet. Këto reforma janë të papajtueshme me kushtetutën polake. Por me heqjen e Gjykatës Kushtetuese të pavarur, kjo gjë tani nuk mund të verifikohet më", ka deklaruar Frans Timmermans, zëvendëspresident i Komisionit Evropian. /Politiko.al