Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Gratë dhe grupet e margjinalizuara bënë histori në zgjedhjet për Kongresin Amerikan

Politiko 7 Nëntor 2018, 16:55

Zgjedhjet e ditës së djeshme në Shtetet e Bashkuara të Amerikës për të zgjedhur përfaqësuesit e tyre në Shtëpinë e Përfaqësisë, sollën një seri votimesh historike dhe shënuan arritje të mëdha për gratë, refugjatët dhe kandidatët e grupeve të LGBT-së. Më shumë se 100 gra u parashikuan për të fituar vende në 'Dhomën e Përfaqësuesve', duke thyer kështu dhe rekordin.

Gratë kurrë nuk kanë mbajtur më shumë se 84 nga 435 vende në "Shtëpinë Përfaqësuesve". Me votat që po numërohen, 95 tashmë janë shpallur fituese.

"Gratë bënë historinë në shumë mënyra dhe ishin një forcë e rëndësishme për kalimin e shumë distrikteve nga e kuqe në blu", u shpreh Kelly Dittmar, një specialiste e politikës në Qendrën për Gratë dhe Politikat Amerikane në Universitetin Rutgers.

Shumë nga kandidatët fitues kanë bërë fushatë për nevojën për kujdes më të mirë shëndetësor për të gjithë amerikanët. Ata vijnë me formime të ndryshme, prejardhje të ndryshme - nga veteranët ushtarakë tek mësuesit - dhe shumë prej tyre kurrë nuk kanë kandiduar për t'u zgjedhur më parë.

Në Kansas dhe Michigan, gratë i kthyen shtetet që kishin qenë nën kontrollin republikan.

Senati demokrat, Laura Kelly mundi republikanin Kris Kobach, me të cilin Trump kishte bërë fushatë në Kansas muajin e kaluar.

Gretchen Whitmer, një ish-senatore shtetërore në Michigan, fitoi garën e saj pas fushatës për një premtim për të rregulluar rrugët e shtetit dhe infrastrukturën e ujit të pijshëm dhe për të zgjeruar "Medicaid" (një sistem federal i sigurimit shëndetësor për ata që kërkojnë ndihmë financiare).

Veçanërisht, demokratët e Miçiganit zgjodhën një grua për çdo zyrë shtetërore në votimin e së martës: guvernatori, senatori i SHBA, avokati i përgjithshëm dhe sekretari i shtetit. Gratë që kandiduan këtë vit ishin shumë të ndryshme - me ngjyrë, amerikanë me origjinë.

Alexandria Ocasio-Cortez, 29 vjeçe, fitoi zgjedhjet në distriktin e 14 në New York. Ajo ka hyrë në histori si personi më i ri që fiton një vend si përfaqësuese në Kongres. Përveç kësaj, është një ndër më të përfolurit sepse Alexandria kandidoi për herë të parë dhe e nisi fushatën teksa ishte kamariere.

Në distriktin e pestë në Minesota, Ilhan Omar u përzgjodh si muslimania e parë në Kongres. Gjithashtu, është e para me origjinë somaleze.

Rashida Tlaib fitoi në distriktin e 13 në Miçigan, gruaja e parë muslimano-amerikane që përzgjidhet për Shtëpinë e Përfaqësuesve.

Sharice Davids është gruaja e parë indigjene që përzgjidhet për Kongres. Përveç kësaj, është gjithashtu gruaja e dytë lesbike në Kongres dhe e para që përfaqëson Kanzasin.

Ayanna Pressley është gruaja e parë me ngjyrë që përfaqëson Masaçusets.

Jared Polis hyri në histori si guvernatori i parë gay në Shtetet e Bashkuara. Ai dhe partneri i tij kanë dy fëmijë, duke qenë kështu dhe prindërit e parë gay në Kongres.