Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Gratë e politikës reagojnë të shokuara pas vrasjes së gjyqtares, ja çfarë propozojnë

Politiko 31 Gusht 2017, 18:40

Gratë e politikës reagojnë të shokuara pas vrasjes së

Ngjarja e rëndë që tronditi sot kryeqytetin ku gjyqtarja Fildes Hafizi u ekzekutua me armë nga bashkëshorti i saj ka nxitur mjaft reagime. Ndër ta janë edhe gratë e politikës shqiptare.

Përmes rrjeteve sociale Majlinda Bregu, Mesila Doda, Klajda Gjosha, Jorida Tabaku, Orjola Pampuri dhe Monika Kryemadhi dënojnë ashpër krimin dhe bëjnë thirrje të fillojë sa më parë vetingu.

“Prokurore pijanece, gjyqtare druvare, eksperte mashtrues!

Beni publik emrin e nisni hetimin per prokurorin qe kanosjen me arme te atij qe vrau nenen e femijeve sot e pa si armembaktje pa leje!

Fillojeni Vettingun ketu! Per krimin me makaber qe po shfaros gra e nena perdite!

Leviz Etilda!” shkruan Bregu.

Reagimi i Majlinda Bregut:

Ka dale nga burgu me amnisti ne 2016?!

Eshte denuar per dhune ne familje, ka tentuar ta vrase ne 2015 dhe lirohet ne 2016 per ta vrare nenen e tre femijeve ne 2017?!

Fillojeni Vettingun nga vendimet per krimin ne familje!

Urdhra mbrojtje te mohuara, te dhena e te paekzekutuara, tentativa vrasje te amnistuara! Prokurore pijanece, gjyqtare druvare, eksperte mashtrues!

Beni publik emrin e nisni hetimin per prokurorin qe kanosjen me arme te atij qe vrau nenen e femijeve sot e pa si armembaktje pa leje!

Fillojeni Vettingun ketu! Per krimin me makaber qe po shfaros gra e nena perdite!

Leviz Etilda!

Kerko te te japin llogari qysh diten e pare pa u zbardhur mire dita, te gjithe gjykatat e drejtorite e burgjeve per urdhrat e mbrojtjes, lirimet me kusht, kohen e apelimit, ekspertet prane gjykatave! Hiqeni nga lista e amnistise tentaviven per vrasje e per me teper ndaj nenes se femijeve!

Hiqini te drejten e perfitimit nga ulja e denimit cdo lloj dhunuesi grash e femijesh!

Nuk i mbron dot urdhri i mbrojtjes nese nuk ashpersohen vendimet kunder dhunuesve!

Nuk mbrojti dot as nje nene gjyqtare! Nuk funksionoi drejtesia as per te bere drejtesi per nje grua e cila gjyqtaret qe duhet te benin seancen per nje veper te kryer ne kushtet e flagrances e kishin kolege!!!

Po vrasin grate e nenat perdite e diten per diell! Dhe po behet kaq e zakonte sa as ndjeshmeri as pergjegjesi nuk po mban askush!

Kjo eshte lufte! Ne lufte o vritesh, o te vrasin!

Reagimi i Mesila Dodës:

Shoqeria jone tronditet per vrasjen e gjyqtares???

Ne jemi shoqeri qe alarmohemi, ne nuk tronditemi... ne nuk kemi aftesine te kthejme ne force dhe mbrojtje, mesimin qe del nga barbaria e rruges.

Vrasja e Fildez Hafizit sot eshte kronike e nje vrasje te paralajmeruar. Neser pasneser e kane rradhen te tjera gra, qe me siguri kane denoncuar, kane tentuar te shpetojne por shoqeria jone ka humbur çdo shqise reagimi e mbrojtje... ndaj nuk do mbroje gruan por do sillet si e çuditur dhe e alarmuar para vrasjes.

Me dhjetra ligje, kerkesa prokuroreve, interpelanca, alarme e thirrje publike jane leshuar, por rezultati perseri eshte negativ. Kjo e jona me sa duket eshte nje shoqeri e shurdher e qe ka mbyllur mendjen e zemren per paqen, solidaritetin e drejtesine.

Reagimi i Klajda Gjoshës:

Cfarë po ndodh në këtë vend? Një grua, një nënë, vritet në mes të kryeqytetit. Ajo çka ndodhi sot, është një këmbanë e fortë alarmi! Kur nuk mund të garantohet jeta e një gjygjtareje, cfarë sigurie mund të kenë sot dhjetra gra që dhunohen e kërcënohen? Sa kurajo gjen në këtë vend një burrë për të vrarë gruan e tij, në mes të kryeqytetit, në mes te ditës! Forca e ligjit duhet t'i kishte dhënë një zgjidhje edhe këtij fenomeni, por sërish tepër vonë për jetën e nënës së dy fëmijëve të mitur! Uroj që familja të gjejë forcë për të përballuar dhimbjen dhe shteti të zgjohet sa më parë nga gjumi i thellë!

Reagimi i Jorida Tabakut:

Ne 2016 parlamenti votoi nje amnisti qe prekte shume kategori, nder to amnistoi dhe vrasesin e sotem te nje nene, vajze e gjygjtareje.

Une nuk e votova ate amnisti elektorale, ku me se shumti qeveria amnistonte dhe krime te renda.

Sot ndjehem e tronditur nga ajo qe ka ndodhur ne mes te Tiranes. Kur nje gjykatese nuk mbron dot veten, si ia ben nje e papune? Cfare ndodh larg Tiranes?

Per ate qe ndodhi sot, faji eshte i sistemit, i politikes qe ka ngritur kete sistem dhe i kujtdo qe ka amnistuar nje vrases. Une sot ndjehem fajtore, per aq sa me takon, e te gjithe sot duhet te jemi kokeulur.

Sot nje jete ka ikur e nuk kthehet dot me!

Reagimi i Orjola Pampurit:

E trishte......shtet qe nuk do t'ia dije per qytetaret e vet.

Sot nje zonje tjeter iu shtua numrit te viktimave te dhunes nga bashkeshortet e ish bashkeshortet. E trishte, sjellje makabre kundrejt nje qenie te brishte, kundrejt nje qenie qe Perendia i dhuroi misionin me te bukur e me njerezor, te qenurit Nene. E kete nene, kete grua nuk duhet te kete kush guxim ta cenoje e jo me t'i marre jeten. Ku eshte urdhri i mbrojtjes, sa here kemi ngritur zerin per te? Perse nuk i ashpersuat kurre denimet kundrejt dhunuesve? Te mbrosh nje grua, nje nene mbi te gjitha eshte qytetari. Ku ka perfunduar qytetaria e ketij vendi, po pergjegjshmeria e ketyre shtetareve qe vetem per qytetaret e vet nuk duan t'ia dine. Eshte nje vrasje e paralajmeruar, por nuk arritet ta parandalonit edhe kete here, deshtuat si gjithnje. E shkaterruat qe ne filiz kete shoqeri. Traumatizuat femije, i late jetim. Vetem se nuk ditet kurre te ndertonit nje sistem model social, ne mbrojtje e mbeshtetje te shtresave e problemeve sociale me te cilat eshte fundosur ky vend. C'tu themi atyre grave qe dhunohen cdo dite nga bashkeshortet? Vazhdoni duroni dhunen? Qendroni nen nje cati me to? Se ne si shtet kemi falimentuar, nuk kemi ku t'ju strehojme, nderkohe qe jeni te kercenuara e te divorcuara dhe nuk jemi ne gjendje te zbatojme sic duhet urdhrin e mbrojtjes. Turp, turp. U prehsh ne paqe e jam me ty e ndjere Fildes dhe me gjithe ato zonja qe nuk gjeten e nuk gjejne kurre mbeshtetje nga kjo qeveri qe nderton sisteme e politika te kalbura. R.I.P z.Fildes

Reagimi i Monika Kryemadhit:

Vrasja e paralajmëruar e një nëne, gruaje për më tepër gjyqtare është akti më i rëndë dhe katastrofik që mund t’i ndodhë një vendi që pretendon të jetë anëtar i BE. Me revoltën e një nëne, me forcën e një gruaje që ka përballuar shumë vështirësi në jetë dhe me kurajon e përfaqësimit të një force politike si LSI, sot ngre zërin tim fuqishëm kundër këtij sistemi që ende dhunon gratë e pafajshme. Të gjithë ne mbajmë përgjegjësitë tona për këtë situatë të rëndë, por më shumë duhet të ndihen përgjegjës ata që e lanë nënën e dy fëmijëve në dorën e një vrasësi që disa herë e kishte paralajmëruar aktin e tij të burracakërisë. Policia, gjykata, shoqatat për mbrojtjen e të drejtave të grave, politika dhe e gjithë shoqëria shqiptare duhet të reagojë me forcë dhe efikasitet. Qarravitjet në rrjetet sociale apo emisione televizive nuk mund ta zgjidhin kurrë këtë situatë të rënduar të krimit në familje. Duhet që çdo gjë të nisë nga vetë ne.