Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Gruaja e Tahirit në zyrën e Gardës, denoncimi i radhës: Një ditë më pas, drejtuesit e policisë ngarkuan kutitë në kamionçinë ushtarake

Politiko 11 Nëntor 2017, 13:22
Gruaja e Tahirit në zyrën e Gardës, denoncimi i radhës:

Një ditë pasi kreu i PD-së, Lulzim Basha, denoncoi praninë e gruas së Saimir Tahirit dhe vetë ish-ministrit në ambientet e Gardës së Republikës, një grup drejtuesish të policisë kanë kontrolluar zyrtat e këtij institucioni. Është sërish Basha ai që publikon denoncimin e radhës, duke njoftuar për dy ndërhyrje të policisë, më 8 dhe 9 nëntor, në zyrat e Gardës, nga ku kanë nxjerrë kuti të mbushura plotë, të cilat i kanë larguar me furgon dhe kamionçinë ushtarake. Në mesazhin e mbërritur te kryeopozitari bëhen publike edhe targat e makinave me të cilat janë larguar dokumentat.

Reagimi:

RAMA-TAHIRI-XHAFA NË ETHE PËR TË ZHDUKUR PROVAT DHE FSHEHUR GJURMËT E KRIMIT

“Zoti kryetar, një ditë pasi ju publikuat në FB denoncimin tim për praninë me orë të tëra të Saimir Tahirit dhe zonjës së tij në dy zyrat që Tahiri administron te Garda, kanë ndodhur dy ngjarje:

Të mërkurën me 8 nëntor në ora 12 në mesditë, ka mbërritur një grup drejtuesish të policisë dhe të gardës të cilët kanë kontrolluar zyrat.

Të nesërmen, ditën e enjte 9 nëntor, nga ora 9 deri në orën 12 zyrat janë boshatisur tërësisht nga bashkëpunëtorë të Sajmir Tahirit të ndihmuar nga punonjës të policisë dhe të Gardës. Tre automjete janë ngarkuar me kuti të mëdha të mbushura plot: një furgon i bardhë me targë MB 403 AA, një kamionçinë ushtarake me targë MB 019 AA, dhe një Golf 5 ngjyrë vishnje me targë AA 258 KS.

Pasi i boshatisën zyrat, i pastruan dhe ndryshuan dhe emërtimin në dyert e dy zyrave dhe u larguan.

E gjitha kjo ndodhi vetëm një ditë pasi ju publikuat denoncimin tim për ardhjen dhe qëndrimin disa orësh të Tahirit dhe të zonjës së tij në dy zyrat që Tahiri administron te Garda.”

Të fundit