Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Hajde te rajoni nr.6”, Balliu tregon si i shkoi policia në shtëpi për mbylljen e hetimeve: Erdhën për presion, veprimi duhej bërë nga prokuroria

Politiko 19 Qershor 2020, 15:39

“Hajde te rajoni nr.6”, Balliu tregon si i shkoi policia në

Ish deputeti Klevis Balliu është thirrur mëngjesin e sotëm në polici. Në një intervistë për “Neës 24” ai tregon se policia i ka shkuar në shtëpi rreth orës 07:00 të mëngjesit pa asnjë arsye ligjore, duke bërë shoqërimin e tij. I njohur për pjesëmarrjen aktive si përfaqësues i opozitës në disa kauza, ku një ndër to është edhe ajo e Unazës së Re, deputeti thekson se ky veprim është presion politik nga ana e Edi Ramës.

“Policia ka ardhur tek shtëpia ime rreth orës 07:00 pa asnjë arsye ligjore për të ardhur tek banesa. Unë kam një precedent për protestë e më duhet të shkoj në gjyq e kam punë vetëm me ligjin, e s’kam lidhje fare me policinë. Policia erdhi në shtëpinë time për presion. Më thanë “hajde te rajoni numër 6” e më thanë se duhet të firmos mbylljen e hetimeve Këtë gjë duhet ta bëjë Prokuroria e jo policia. Ky është presion politik. Jo vetëm ndaj meje, por këtë gjë e kanë bërë edhe me qytetarët”, tha Balliu.

Për ish-deputetin thirrja e sotme është urdhër direkt i Ramës. Sipas tij, sot në Shqipëri nuk ka hierarki në institucionet e vendit, pasi Edi Rama nga Surreli drejton gjithçka.

“Sot opozita e qytetarët një sepse Edi Rama është problem për kombin, për shoqërinë tonë. Rama nuk njeh gjuhë tjetër përpos gjuhës së forcës. Aq më tepër kjo ka qenë një polici e përfshirë në kanabizimin e vendit shumë e inkriminuar. Ishte një përfaqësues policie i zonës ku jetoj, një përfaqësues i zonës 6. Unë nuk e kam me policin. Ai ishte urdhër direkt i Ramës. Këtu nuk ka hierarki, këtu është vetëm Rama i Surrelit. Nuk shkova, por thashë do të vij të hënën për çështje tjetër. Më thanë është prokurori te komisariati dhe u habita, sepse prokurori duhet të jetë në Prokurori jo në polici”, u shpreh Balliu.

Më tej, Balliu shtoi se Shqipërisë i janë vënë 15 kushte nga BE për integrim, kurse tha se Edi Rama do vetëm të vjedhë. Për ish-deputetin Shqipëria po përballet me probleme me demokracinë dhe kjo duket edhe tek roli i opozitës në vendimmarrje.

“Ne po luftojmë për demokracinë në Shqipëri. Ne si opozitë kemi rol vetëm në Reformën Zgjedhore, sepse në kushtet e tjera ne nuk mundemi të kemi rol” shprehet Balliu.

“Sot jemi 15 vjet pas nga ajo që kërkon BE. Janë 15 kushte dhe ne jemi po kaq vjet pas. Në lidhje me Reformën Zgjedhore, identifikimi biometrik bën të mundur që në një fshat me 200 persona mos të dalin 500 votues. Gjithsesi edhe me kaq vjedhja e votës nuk mbaron këtu. Ne po luftojmë për demokracinë në Shqipëri. Ne si opozitë kemi rol vetëm në Reformën Zgjedhore, sepse në kushtet e tjera ne nuk mundemi të kemi rol.

Qytetarët janë sot në gjendje shumë të rëndë nga ana ekonomike. Këta që janë në pushtet vetëm tek qytetarët nuk e kanë mendjen. Njerëzit paguajnë taksa të larta. Taksat e Ramës duhen zhdukur fare. Edi Rama dhe njerëzit e tij duan vetëm të vjedhin. Rama është deputet i Vlorës e pikërisht aty ka më shumë krim e varfëri”, deklaroi Balliu.