Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Hapja e Covid-3, ish-deputeti nxjerr blof Manastirliun: Pas denoncimeve në media, ja si del gënjeshtra

Politiko 8 Gusht 2020, 14:55

Ish-deputeti i PD, Bardh Spahia akuzon ministren e Shëndetësisë, Ogerta Manastirliu se nuk mbajti premtimin për hapjen e spitalit Covid3, për të pritur rastet në fazë shërimi, me qëllim uljen e ngarkesës në dy spitalet që trajtojnë të infektuarit.

teksa u referohet deklaratave zyrtare të ministrisë, Spahia shkruan se Manastirliu nuk ka asnjë strategji konkrete, por deklaratat bëhen sa për t’i hedhur sy shqiptarëve.

Reagimi i plotë:

MASHTRIMI SI STRATEGJI QE CON NE KOLAPS! JA SI DEL GENJESHTRA!

Nga mesazhet e pafundme që më mbërrijnë, fatkeqësisht vazhdon saga e familjarëve që presin me orë informacion mbi të afërmit e tyre të shtruar në dy spitalet Covid në Tiranë! Sa e vështirë është të përcaktohen orare për dhënie informacioni në mënyrë që edhe familjarët të qetësohen, edhe personeli të mos stresohet, duke u kapur për mënge sa herë që lëviz jashtë spitalit?

Sikur Ogerta të kishte mbajtur premtimin e hapjes së spitalit Covid3, për të pritur rastet në fazë shërimi, për të ulur ngarkesën e dy spitaleve që trajtojnë të infektuarit, do kishte qenë një lehtësim për të gjithë, edhe familjarët.

Më 25 PRILL, ministrja Manastirliu e premtoi këtë për spitalin Covid 3, duke thënë me zë e figurë, e pasqyruar edhe në faqen zyrtare, se “Është një strukturë e cila është e mjaftueshme përsa i përket pacientëve të cilët janë në fazë shërimi dhe duhet vetëm të bëjnë periudhën e kovalishencës, ku do të shërbejë ish-klinika një dhe më pas edhe dy klinikat e tjera të cilat po bëhen gati për të pritur rastet, nëse do të kemi një fluks të të sëmurëve me Covid-19”.

Por pas denoncimeve të opozitës e medias, më 6 GUSHT, Manastirliu harron cfarë ka premtuar dhe na del me variatin, se paskërka një plan me logjikë. “…siç e parashikon plani ynë – dhe siç e kërkon logjika – Covid-3 dhe më pas Covid-4, do të hapen pasi të jenë ezauruar shtretërit në Covid-1 dhe Covid-2. Kjo është edhe përgjigja ndaj shqetësimit të ngritur nga Partia Demokratike, se “ende në Covid-3 nuk është trajtuar asnjë pacient me Covid”.

Ja pra që nuk ka asnjë strategji, por deklaratat bëhen sa për t’i hedhur sy shqiptarëve, sepse po të kishte një plan veprimi konkret, ai do zbatohej, e nuk do harrohej rrugës, mes përgatitjes së videove për mashtrime të tjera!

Të fundit