Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Heqja e taksës 100% ndaj Serbisë është ‘interes strategjik’ i SHBA. Ambasada-Prishtinës: Do përballeni me pasoja

Politiko 25 Janar 2019, 18:22

Heqja e taksës 100% ndaj Serbisë është ‘interes

Shtetet e Bashkuara të Amerikës kanë kërkuar nga Kosova që të heqë taksën 100% ndaj produkteve të Serbisë dhe Bosnje-Hercegovinës, pasi po dëmton interesat e tyre strategjike. Deklarata është bërë nga Ambasada Amerikane në Prishtinë, e cila thekson se Kosova dhe çdo shtet tjetër mik nuk mund të ndërmarrin veprime që bien ndesh me interesat strategjike amerikane, pa u përballur më parë me pasoja në marrëdhëniet dypalëshe.

Qeveria e kryeministrit Ramush Haradinaj e vendosi taksën 100% si kundërmasë ndaj Serbisë për fushatën e egër kundër pavarësisë së Kosovës. Por administrata e presidentit Donald Trump ka klasifikuar interes strategjik heqjen e taksës dhe jo ndalimin e fushatës serbe kundër Prishtinës.

Reagimi i plotë i Ambasadës së SHBA në Prishtinë:

Shtetet e Bashkuara mbështesin plotësisht dialogun e udhëhequr nga Bashkimi Evropian mes Kosovës dhe Serbisë.

Një marrëveshje gjithëpërfshirëse dhe reciprokisht e dobishme është në interesin strategjik të Shteteve të Bashkuara. Ndërsa Presidenti Trump komunikoi në letrën e tij drejtuar Presidentit Thaçi: "Unë ju bëj thirrje juve dhe udhëheqësve të Kosovës që ta kapni këtë moment të veçantë, të flisni me zë të unifikuar gjatë bisedimeve të paqes dhe të përmbaheni nga veprimet që do ta bënin më të vështirë arritjen e një marrëveshjeje."

Disa komentues dhe politikanë kanë sugjeruar se statusi i Kosovës si shtet i pavarur dhe sovran, i lidhur ngushtë me Shtetet e Bashkuara, do ta mbrojë atë nga të gjitha pasojat e vendimeve të saj në arenën ndërkombëtare. Ne paralajmërojmë kundër çdo pretendimi se Kosova apo ndonjë mik tjetër i Shteteve të Bashkuara mund të ndërmarrë veprime që bien ndesh me interesat tona strategjike pa u përballur me pasojat në marrëdhënien tonë dypalëshe.

Ne i bëjmë thirrje Kosovës dhe aktorëve të tjerë rajonalë që të demonstrojnë përkushtim ndaj normalizimit; paqes dhe stabilitetit rajonal; dhe të lëvizin në rrugën drejt integrimit evropian. Ne përsërisim pikëpamjen tonë se një pezullim i menjëhershëm i tarifës për importet nga Serbia dhe Bosnja është një masë e nevojshme për të rivendosur vrullin e procesit të Dialogut. Presim që palët e tjera të interesit të marrin masa konstruktive të tyre.

Siç ka treguar historia e kohëve të fundit, Kosova është e suksesshme kur bashkohet së brendshmi dhe punon me Shtetet e Bashkuara dhe BE. Ne inkurajojmë të gjitha partitë politike që të kontribuojnë në mënyrë konstruktive në këtë proces. Veprimet që dëmtojnë Dialogun, refuzimi i pezullimit të tarifave, të gjitha janë në kundërshtim me interesat e SHBA. Ajo që nevojitet tani është udhëheqja e guximshme për të promovuar qëllimet tona të përbashkëta. Kjo është ajo që na ndihmon të mbështesim një marrëdhënie të fortë dypalëshe.