Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Hiq dorë nga ndryshimet kushtetuese ose bllokojmë negociatat”, Bardhi 'këshillë' Ramës pas deklaratës së Wadephul: Lëri lojërat

Politiko 14 Korrik 2020, 20:28

“Hiq dorë nga ndryshimet kushtetuese ose bllokojmë

Sekretari i Përgjithshëm i PD-së, Gazment Bardhi ka reaguar përsa iu përket ndryshimeve Kushtetuese të miratuara ditën e sotme nga Komisioni i Ligjeve. Përmes një postimi në rrjetet sociale, Bardhi shprehet se tmerri i Ramës është humbja e pushtetit në zgjedhjet e ardhshme.

Duke theksuar se frika e Ramës nuk mund të mbajë peng Shqipërinë, Bardhi i kërkon Ramës të lexojë mirë deklaratën e zv.kryetarit të Grupit të CDU-CSU në Bundestag, Ëadephul.

“Edi Rama lexoje mirë këtë deklaratë të Bundestagut dhe lëri lojërat e pista politike në kurriz të shqiptarëve”, vijon më tej Bardhi, duke sjell në kujtes deklaratën e Ëadephul.

Kujtojmë se, Wadephul reagoi ashpër për ndryshimet e miratuara në Komisionin e Ligjeve, duke theksuar se ato asgjesojnë marrëveshjen e 5 qershorit të arritur në Këshillin Politik me opozitën jo parlamentare. Përmes një ultimatumi, ai i bëri me dije shumicës parlamentare dhe kryeministrit Rama se nëse vijojnë me ndryshimet kushtetuese, nuk do të kenë mbështetjen e gjermanëve në procesin e integrimit drejt BE.

"Të gjithë e kanë kuptuar tmerrin tënd nga zgjedhjet, por frika jote nga humbja e pushtetit nuk mund të marrë peng Shqipërinë. Edi Rama lexoje mirë këtë deklaratë të Bundestagut dhe lëri lojërat e pista politike në kurriz të shqiptarëve.

Deklaratë e Zv.kryetarit të Grupit të CDU-CSU në Bungestag Johann David Ëadephul: “….Ndryshimet kushtetuese do të minonin tërë reformën zgjedhore dhe kështu do ta asgjësonin atë. Në praktikë, kjo do të thoshte, se Parlamenti shqiptar do të bënte të pavlefshme reformën zgjedhore të arritur me marrëveshjen e 5 qershorit.

Kjo do të vendoste parlamentin shqiptar dhe shumicën qeverisëse, përfshirë Kryeministrin, kundër vendimit të të gjithë krerëve të shteteve dhe qeverive të Bashkimit Europian, të marrë në mars të këtij viti, dhe do të vinte në veçanti në pikëpyetje perspektivën e Shqipërisë në Bashkimin Europian. Për më tepër, një qasje e tillë do të ishte një shkelje e jashtëzakonshme e besimit ndaj BE-së, OSBE-së dhe aktorëve të tjerë ndërkombëtarë që kanë dhënë një kontribut të rëndësishëm për arritjen e një reforme të mirë zgjedhore.

Bundestagu gjerman nuk do të aprovojë konferencën e parë ndërqeveritare dhe hapjen e negociatave të anëtarësimit, për aq kohë sa nuk miratohet marrëveshja e 5 qershorit nga Parlamenti pa asnjë ndryshim dhe pa ndryshime kushtetuese që minojnë këtë marrëveshje. Prandaj u bëj thirrje kolegëve në Parlamentin shqiptar: Bëni një hap të madh drejt forcimit të demokracisë në vendin tuaj dhe miratoni reformën zgjedhore siç përcaktohet në marrëveshjen e 5 qershorit. Dhe hiqni dorë nga ndryshimet e planifikuara kushtetuese që do ta shkatërronin reformën zgjedhore. Vetëm atëherë ju do të keni akoma mbështetjen e fortë të Bundestagut gjerman. Prandaj: mos vini në pikëpyetje perspektivën e BE-së për vendin tuaj! Populli shqiptar nuk e meriton këtë!”, shkruan Bardhi.