Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Lista me 124 kriminelë, LSI pyet kryeministrin: Zjarret që po djegin vendin, mund të djegin listën?

Politiko 3 Gusht 2017, 12:55
Lista me 124 kriminelë, LSI pyet kryeministrin: Zjarret që po djegin

Nënkryetari i LSI, Luan Rama ka risjell në vëmendje dhe një herë listën me 124 trafikantëve të drogës që u deklarua si fillim nga kryeminstri Rama dhe më pas nga ministri i brendshëm Dritan Demiraj. Nënkryetari i LSI nëpërmjet një statusi në facebook, ngre shqetësimin se çfarë po bëhet konkretisht me këtë listë nga ana e prokurorisë, që deri më tani ka mbetur vetëm e thënë dhe e shkruar, por asnjë hap konkret për kapjen e tyre. Ndërsa kritikon dhe mënyrën se si deklarohen të dhëna të tilla që sipas tij, jo në të gjitha rastet duhet të bëhen publike. Më tej Luan Rama shtron pyetjen se mos vallë kjo listë do përfshihet nga flakët që kanë prfshirë vendin dhe do pushojë së ekzistuari?

Statusi i plotë:

Çfarë po ndodh me listën e paralajmëruar të 124 kriminelëve të drogës?!...

E paralajmëroi Kryeministri, e pas tij e konfirmoi edhe Ministri i Brendshëm se kanë në dorë një listë me 124 emra kriminelësh që merren me kultivimin dhe trafikimin e drogës!

Po deri tani vetëm kaq! Ose të paktën për publikun asgjë më shumë...

Natyrisht që jo çdo gjë i duhet thënë publikut, pasi specifika e shërbimeve të këtij lloji imponon rregulla strikte të ruajtjes së sekretit profesional.

Por një gjë duhet të na e thotë Kryeministri:

A është, përkatësisht, a janë relatuar çështjet në Prokurori?

Dhe nga ana tjetër, çfarë po bën Prokuroria?

Kaq ditë pas shpalljes publike se ekziston një listë me emra trafikantësh të drogës, madje edhe të lidhur e suportuar prej policisë apo segmenteve të politikës, a ka ndërmarrë ajo ndonjë veprim procedurial qoftë edhe kryesisht?...

Sepse mund të ndodhë që zjarret që po djegin vendin, të djegin edhe listën e kriminelëve të drogës!

Prokuroria nuk është para ndonjë thashethemi, po para deklarimeve zyrtare e publike të Kryeministrit dhe Ministrit të Brendshëm.

Të fundit