Katalonja shpalli zyrtarisht pavarësinë nga Spanja: Bashkimi Europian të njoh Republikën e re

Katalonja do të jetë shteti më i ri në Europë. 70 deputetë votuan pak minuta më parë në favor të pavarësisë nga Madridi, 10 kundër, ndërsa disa parti opozitare bojkotuan seancën. Votimi në Parlamentin katalanas u krye pas fjalimit të kryeministrit të Spanjës, Mariano Rajoy, i cili  i kërkoi Senatit autorizimin për të shkarkuar presidentin e Katalonjës, Carles Puigdemont dhe të gjithë qeverinë e tij, si kundërshtim ndaj projekteve të tyre për pavarësi. Kryetari i Parlamentit, Carme Forcadell, kërkoi menjëherë pas votimit që Bashkimi Europian të njoh Katalonjën si shtet i pavarur. “Parlamenti i Katalonjës themelon Republikën Katalanese si shtet të pavarur, sovran, demokratik, social dhe nën sundimin e ligjit”, thuhet në njoftimin e shkurtër të qeverisë. Ditët e fundit situata është rënduar në Spanjë për shkak të kërkesës së Rajoy-t për të aktivizuar artikullin 155, i cili i kalon pushtetet e Katalonjës në duart e Madridit. Ai kërkoi sot shkarkimin e presidentit të rajonit të Katalonjës, të zëvendëspresidentit dhe këshilltareve të qeverisë rajonale, nën duartrokitjen e senatorëve, pjesa më e madhe anëtarë të partisë së tij. Kryeministri theksoi gjithashtu se objektivi ishte mundësimi i zgjedhjeve rajonale brenda gjashtë muajve. Vendimi i deputetëve katalanas vjen pas referendumit të zhvilluar më 1 tetor, kur 90% e pjesëmarrësve në votim u shprehn pro pavarësisë nga Spanja. Një nga kushtet që duhet të plotësojë një shtet që të konsiderohet i pavarur është njohja nga shtetet e tjera. Deri më tani asnjë kancelari nuk ka shprehur publikisht mbështetjen për pavarësinë e Katalonjës, ndërkohë Bashkimi Europian, SHBA dhe Rusia janë shprehur në favor të integritetit të Spanjës.    

The Parliament of Catalonia constitutes the Catalan Republic, as an independent, sovereign, democratic, social State under the rule of law pic.twitter.com/RW5xck7PYN

— Catalan Government (@catalangov) October 27, 2017

 

The moment the Catalan parliament votes to declare independence from Spain https://t.co/SsFrYwEEtk pic.twitter.com/MFAr93UDau

— BBC Breaking News (@BBCBreaking) October 27, 2017