Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Huffington Post Italia: Sa rezulton paligjshmëri dhe sa katastrofë natyrore nga tërmeti në Shqipëri

Politiko 5 Dhjetor 2019, 14:36

Huffington Post Italia: Sa rezulton paligjshmëri dhe sa katastrofë

Media italiane ‘Huffington Post Italia’ ka publikuar shkrimin e gazetares nga Durrësi që jeton në Itali, Anita Likmeta e cila shkruan për tërmetin e 26 nëntorit.

“Ka kaluar një javë nga tërmeti i fortë që rrëzoi qytetin e Durrësit dhe zonat përreth. Ditë të tmerrshme, 50 të vdekur dhe akoma e kemi të vështirë ta besojmë. E keqja troket përherë kështu si papritur, kur ndodhesh në pjesën më të errët të jetës.

Gjatë këtyre ditëve, orëve kam marrë mesazhe, e-maile elektronike, komente, mbështetjeje nga kolegët e mi dhe njerëz të tjerë që i falënderoj pa fund.

Pastaj lexova edhe komentet e papërshatshme, ato ku më sugjeronin se si duhet të përgjigjesha, si duhet të isha veshur, se si t’i komentoja fjalët gjatë intervistave të mia nëpër media.

Unë jam mësuar gjithmonë me çdo lloj kritike, sepse besoj me vendosmëri se rritja ndodh duke shkëmbyer mendime të ndryshme, sepse të gjithë janë të lirë të shprehin idetë e tyre.

Një nga komentet më të shpeshta që kam lexuar ishte lidhur me faktin se unë kisha ‘përgojuar’ shqiptarët dhe mënyrën e tyre të jetesës, kur shkruaj se si ata lajnë këpucët e pista në shtëpitë e tyre.

Të dashur bashkatdhetarë, kudo që të jeni në botë, kur në artikujt e mi ju mendoni se ju përgojoj, ju them se unë shkruaj mendimin tim të lirë. Edhe kur shkruaj për krimin i referohem të njëjtës mënyre së thëni.

Ne jetojmë në epokën e globalizmit, ku "shtëpia" nuk është vendi.

Ne qajmë, qeshim, bëjmë shaka, ofendojmë, zemërohemi.

Unë gjithmonë kam menduar që përfaqësuesit politikë, liderët tanë, janë ekzekutimi i asaj që ne jemi dhe përfaqësojmë për veten dhe para botës.

Në muajt e fundit kam marrë mesazhe të shumta nga qytetarët e Durrësit ku ankoheshin se shumë objekte nuk kishin strukturë të rregullt ndërtimi. Por shumica, turma, nuk bën zë, pak individë luftojnë për demokracinë. Ata të paktën u ngjasojnë personazheve orwelliane, burrave të fundit në tokë.

Zemra ime është me familjet e viktimave, zemra ime qan.

Ju them se themeli i demokracisë është liria për të ngritur zërin, sepse heshtja vret më shumë se mafia. Asgjë nuk vlen më shumë se jeta. Ata që zgjedhin të heshtin, zgjedhin të vlerësojnë dhunën. Por heshtja nuk mund të zgjatë, do të ketë përherë një shpërthim, ashtu si zhurma e zemërimit më 26 nëntor 2019”, përfundon Anita Alikmeta.