Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

I dënuar në Greqi? Rasti i Valdrin Pjetrit ishte “leksion” për Agim Kajmakun, si i parapriu akuzat e PD

Politiko 22 Gusht 2019, 11:16

Pas Valdrin Pjetrit, Partia Demokratike i ka kërkuar Prokurorisë sot me anë të një kërkese të nisë hetimet për një tjetër kryebashkiak të PS, të dalë nga zgjedhjet e 30 qershorit.

Bëhet fjalë për Agim Kajmakun, kryebashkiakun e Vorës.

Në kërkesën e firmosur nga Sekretari i Përgjithshëm i PD, Gazment Bardhi, thuhet se “dyshohet se ka qenë i arrestuar/ ndaluar në Greqi dhe, më pas, ndaj tij është marrë masa e dënimit dhe dëbimit nga autoritetet përgjegjëse greke”.

Ndër të tjera, theksohet fakti se për 12 vjet me radhë, Agim Kajmaku nuk ka udhëtuar në Greqi, megjithëse ka jetuar aty disa vjet me një emër tjetër.

Megjithatë, Kajmaku duket se u ka paraprirë këtyre akuzave. Me anë të një postimi në rrjetet sociale që me datë 6 gusht, Kajmaku ka publikuar dokumentet që sipas tij vërtetojnë pastërtinë e fugurës së tij si dëshmi penaliteti në Greqi, ku rezulton i padënuar, foto e vulave të Pikave të Kalimit Kufitar në Maj 2019 etj.

Megjithatë, ajo që vlen për t’u theksuar është fakti se rasti i Valdrin Pjetrit, i cili aktualisht është dorëhequr para marrjes së mandatit të Bashkisë Shkodër, pasi PD i publikoi dokumentin e dënimit në Itali, ka qenë një lloj ‘kambane’ paralajmëruese edhe për vetë Kajmakun.

Si duket, ai e ka parashikuar se pas Pjetrit , do jetë radha e tij, ndaj pesë ditë pasi PD kërkoi verifikim të pastërtisë së figurës së Pjetrit, Kajmaku nxori publikisht të gjitha dokumentet që sipas tij vërtetojnë se ai është i ‘pastër’.

Deklarata e Agim Kajmakut më 6 gusht:

Përshëndetje,

Unë ashtu si dhe shumë e shumë shqiptarë që kanë emigruar në Greqi në vitet `90, më është dashur të ndryshoj emrin dhe mbiemrin për tu pajisur me dokumente qëndrimi. Sepse fatkeqësisht ky ka qenë niveli i mbrojtjes për emigrantët nga shteti Shqiptar në ato kohë kur Sali Presidenti i futi dy gishtat në sy këtij vendi.

Këtë gjë nuk e kam bërë në shkelje të ligjit, por me Vendim të Këshillit të Komunës Prezë, Nr 06/1, Datë 06.02.1996, “Ndryshim emri dhe mbiemri nga Agim Kajmaku në Jorgo Toto”. Përmes këtij ndryshimi, munda që të siguroj një vizë nga Ambasada Greke për vete dhe familjen.

Prej vitit 1996, bashkë me bashkëshorten time Rita, hapëm një biznes tregti Lulesh Natyrale. E kam drejtuar vetë atë biznes deri në korrik të vitit 2019 kur u zgjodha Kryetar i Bashkisë Vorë. Biznesin e nisëm me furnizim nga shteti Grek dhe kemi punuar për rreth 8 vjet, deri në vitin 2004 me Greqinë.

Ndërkohë me vendim të Këshillit të Komunës Prezë, Nr 19, Datë 30.03.2004, kam “Ndryshim emri dhe mbiemri nga Jorgo Toto në Agim Kajmaku”. Kjo për shkak se jo vetëm mundësitë e biznesit ishin zgjeruar në vende të tjera të Evropës, por lindi nevoja të administroja pronat e familjes time.

Pavarësisht ndryshimit të emrit për arsye dokumentare, unë Agim Kajmaku gjithmonë kam mbajtur të njëjtin emër të babait, nënës dhe të ditës time të lindjes edhe me emrin Jorgo Toto. Prandaj është shumë kollaj e verifikueshme a kam qëne i dënuar apo jo.

E dija që kur i hyra kësaj rruge për të drejtuar Bashkinë e Vorës, se Sali Baba me dyzet qentë e tij do të sulmonin për me kafshu! Prandaj kalova kufirin para se të dorëzoja kandidaturën time, që t’i kisha këto foto me të cilat përshëndes Sali Babën dhe dyzet qentë e vet dixhital.

Konkretisht më poshtë janë:

  1. Certifikata Personale me shënimin përkatës për ndryshimet e ligjshme të emrit;

    2. Dëshmi e Penalitet lëshuar nga Ministria e Drejtësisë në Shtetin Grek ku bazuar në Regjistrin Kombëtar Penal, personi Jorgo (Agim) Toto (Kajmaku) rezulton I PADENUAR;

    3. Formulari i Vetë Deklarimit në zbatim të ligjit Nr. 138/2015 “Për garantimin e integritetit të personave që zgjidhen, emërohen ose ushtrojnë funksione publike”, ku parashtrohen gjeneralitetet e mëparshme.

    4. Foto e Vulave të Pikave të Kalimit Kufitar në Maj 2019.

Po, kam ndryshuar emrin!

Po, kam zbatuar ligjin dhe e kam deklaruar kudo e kurdo!

Jo! Nuk kam qenë asnjëherë i dënuar.

Të fundit