Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

"I kalojnë makinat luksoze pa radhë", qytetarët të revoltuar në Kakavijë: Do flemë edhe sot në hotelin me 5 yje që na ka rezervuar shteti

Politiko 14 Gusht 2020, 23:32
"I kalojnë makinat luksoze pa radhë", qytetarët të

Ora 22:00 ka shënuar edhe për ditën e sotme përfundimin e orarit zyrtar të punës nga ana e palës greke. Ndryshe nga sa ishte menduar, për bisedime me palën greke për një zgjatje të orarit të punës me qëllim lehtësimin e radhëve të gjata të qytëtarëve në Kakavijë, mesa duket edhe njëherë tjetër shumë udhëtarë do ta zbardhin mëngjesin në rrugë duke pritur.

Pavarësisht pretendimeve se po punohet me ritme të shpejta, ende nuk po i duket fundi radhëve kilometrike. Qytetarët të lodhur dhe indinjuar nga ajo çka po ndodh, shprehen të shqetësuar se po qëndrojnë në pritje, por që ende nuk ia kanë idenë se çfarë do të ndodhë nesër.

“Po qëndrojmë në pritje pa ditur cfarë do të ndodhë nesër”, tha një qytetare.

Në radhën e krijuar ka edhe gra, të sëmurë, sikundër dhe të moshuar.

“Kemi fëmijë invalidë me temperaturë. Qeveria duhet të ndërhyjë, pasi populli po torturohet. Ka selektivvitet këtu, ka automjete që ecin jashtë radhës”, thanë qytetarët.

Një prej tyre, me ironi u shpreh se dhe sonte do e kalojnë natën në hotelin me 5 yje që iu ka rezervuar shteti, ndërsa shtoi se hesapet do lahen në kohën e zgjedhjeve.

“Do fleme në hotelin me 5 yje dhe sonte. Kur të vijne të marrin votat, do i jap 3, dhe atë të madhen”, u shpreh një prej tyrë.

Gjatë një vëzhgimi të bërë, për News 24 shumë qytetarë kanë vënë në dukje se pavarësisht se ju duhet të presin për të respektuar radhën, pritja e tyre është duke u zgjatur më shumë pa të drejtë për shkak se policia lë që të kalojnë pa radhë makinat luksoze.

“Policia kalon vetëm makinat luksoze. Disa automjete, policia i kalon pa radhë fare. Kemi që në 08.30 që presim, jemi me kalamaj. Durimi ynë nuk mban më. Kam që mbrëmë që rri në pritje. Nëse palët në doganë punojnë natën, mund të kalojmë deri në mëngjes, nëse jo, nesër në darkë kalojmë ne”, deklaruan qytetarët.

Pas mbylljes së orarit zyrtar, sot rreth orës 22:00, pala greke pritet të rinis sërish punën nesër në orën 06.00.

Të fundit