Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

I penduari i drejtësisë rrëfen detaje tronditëse nga vrasja e Eglantina Bucit: Qau dhe kërkoi ndihmë, vëllai i saj e qëlloi me plumb në fytyrë

Politiko 6 Shtator 2020, 12:26

Të tjera detaje rrëqethëse dalin në pah nga vrasja e Eglantina Bucit, pas zbardhjes së dosjes së saj të 2012.  Mësohet se, një person i penduar i drejtësisë ka zbuluar detajet tronditëse që në 2017-ën për dretësinë shqiptare, por që historia u bë publike tani që hetimet janë mbyllur dhe dosja është çuar në gjykatë.

Për News 24, gazetarja e kronikës, Klodiana Lala raporton se ka qenë i penduari i drejtësisë ai që ka rrëfyer përpara hetuesve detajet e vrasjes.

I penduari ka treguar si është njohur me Shkëlzenin, babain e tij Faikun por edhe me Eglantinën si dhe konfliktin që kishte kjo familje.

“Unë jam mik me Shkëlzen Bucin, për shkak të miqësisë me të jam njohur me babain dhe motrën e tij. Shkëlzeni më ka treguar se motra ishte larguar nga banesa me fqinjin e tyre, pa miratimin e familjes dhe kishte marrë një shumë të konsiderueshme parash nga familja. Ata më kërkuan të kisha lidhje intime me Eglantinën pasi nuk po e gjenin dot. Për një moment e takova dhe në këtë kohë Shkëlzeni u afrua me të motrën për pajtim siç më tha.

Ndodhi një takim në afërsi të Kafes së Rremës, u takua me babain, vëllain, xhaxhain. Bashkë me të ishte dhe i dashuri. Është pirë një kafe pajtimi. Faik Buci i kërko i të fejoheshin zyrtarisht dhe të kishin marrëdhënie familjare.

Shkëlzenit i kisha dhënë një makinë Golf 2, ia kisha dhënë unë në përdorim. Një ditë më merr në makinë mua dhe motrën e tij. Shkëlzeni i tha po të dërgoj të pimë një kafe. Kur devijuam për nga Mali me Gropa ajo e kuptoi dhe filloi të qante i tha do martohen me këdo person që doni ju vetëm mos më bëj asgjë të keqe. Ai nuk foli. Kur arritëm tek vendi që e vrau e nxori me forcë nga makina, ajo qante. Ai e qëlloi me një plumb në fytyrë, pastaj edhe disa të tjera. Unë shtanga e kam mbajt brenda vetes këtë barrë se ajo bërtiti dhe kërkonte ndihmë.

Pasi e vrau motrën telefonoi të atin dhe i tha: Puna u krye!

Kur e mori vesh që isha unë me të në makinë Faiku kërkoi të më takonte. Më kërcënoi, më tha që do të hakmerren me mua nëse flas. Tani unë jam në burg dhe nuk mund ta mbaja këtë peshë”, rrëfeu ai.

[caption id="attachment_411482" align="alignleft" width="600"] Babai i Eglantines ne pritje te vendimit[/caption]

[caption id="attachment_411483" align="alignleft" width="597"] Vellai i Eglantines ne pritje te vendimit[/caption]

Të fundit