Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

"Identifikim biometrik në të gjitha qendrat e votimit", Bylykbashi zbardh detaje nga mbledhja e Këshillit Politik: Financim miks në raportin 1 me 3

Politiko 15 Qershor 2020, 20:21
"Identifikim biometrik në të gjitha qendrat e votimit",

Përfaqësuesi i Partisë Demokratike në tryezën e Reformës Zgjedhore, Oerd Bylykbashi, në një prononcim për mediat tha se dy çështjet e diskutimit në mbledhjen e sotme ishin identifikimi biometrik dhe financimi i partive.

Referuar identifikimit biometrik, Bylykbashi theksoi se teknologjia do të shtrihet në të gjithë vendin, kjo me qëllim që të pengojë krimin zgjedhor me votat false.

“Sot në mbledhjen e Këshillit Politik u diskutuan dy çështje të rëndësishme, si identifikimi biometrik dhe financimi i partive politike.

Drafti përfundimtar do të sigurojë që identifikimi biometrik do të jetë në të gjitha qëndrat e votimit në Shqipëri. Kutitë e votimit do të jenë të mbrojtura nga votat false. Kushdo që e bën këtë do të procedohet penalisht”, u shpreh Bylykbashi.

Ndërkaq, në lidhje me financimin e partive, sikurse Gjiknuri edhe Bylykbashi theksoi se në mbledhjen e sotme palët arritën të binin dakord për një financim miks. Sipas tij, do të dyfishohet financimi nga buxheti i shtetit për partitë politike, në raportin privat-publik 1 me 3. Kjo bëhet për të eliminuar në maksimum shit-blerjen e votës dhe korrupsionin në zgjdhje.

Kujtojmë se, financimi i partive politike është një çështje tepër sensitive për opozitën. Dy partitë kryesore, LSI dhe Partia Demokratike, shpesh gjatë protestave të tyre kanë hedhur akuza të forta ndaj qeversë, duke ngulmuar në faktin se kjo e fundit ka marrë para të pista nga oligarkët për të blerë votat e qytetarëve dhe përkthyer ato më pas në mandate deputetësh.

“Çështja e dytë është financimi i partive politike. Sot ramë dakord për paketën e financimit të partive politike në fushatën zgjedhore. Ne kërkojmë që të gjejmë zgjidhje për fushatën. Në këtë kod kemi rënë dakord që të ketë reduktim të financimit privat dhe reduktim të shpenzimeve, ku 3-fshi do të jete vetëm 3-fishi i financimit publik. Sot partitë kanë të drejtë të shpenzojnë 10-fishin e parave që marrin nga privati. Nesër Këshilli Politik mblidhet sërish për çështje që janë të hapura”,  tha Bylykbashi.

Të fundit