Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Idrizi bën ‘mea culpa’: Gabova që bashkëpunova me Ramën; marrëveshje me opozitën për të sjellë një realitet të ri për vendin

Politiko 11 Shtator 2018, 19:05
Idrizi bën ‘mea culpa’: Gabova që bashkëpunova me

PDIU ka njoftuar zyrtarisht nisjen e negociatave për t’ju bashkuar opozitës dhe për të qenë pjesë e saj në zgjedhjet e ardhshme. Në mbledhjen e Këshillit Kombëtar të kësaj partie, kryetari Shpëtim Idrizi bëri një pasqyrim të gjendjes në vend.

“Do doja të nisja duke ndarë me ju shqetësimin për ato çka shohim e dëgjojmë përditë dhe për gjendjen e vështirë ekonomike ku po rrokulliset jeta e biznesit dhe çdo shqiptari të ndershëm. Fatkeqësisht nuk ka ditë që mos të shohim e dëgjojmë në edicionet e lajmeve për dhunën, vrasjet e për trafiqet e trafikantët që kapen nga shërbimet e shteteve fqinj. Por dhe situatë ekonomike e vendit po tregon që disa që numërohen me gishtat e dorës po bëhen edhe më të pasur e shumica e shqiptarëve po varfërohen”, tha Idrizi.

Para anëtarëve të Këshillit Kombëtar, Idrizi tha se kërkonte ndjesë për bashkëpunimin me mazhroancën aktuale.

“Po të nderuar miq, edhe unë kam faj e po ju rrëfej me zemër në dorë se si çdo njeri normal në këtë vend gaboj, sepse mendova dhe besova që do e çonim përpara këtë kauzën tonë të jetës e të shpirtit edhe në një koalicion me këtë maxhorancë. Kurrë e për asnjë moment nuk kam besuar se dikush mund të arrinte sa t’i lozte fatet tona në lojëra pushteti  e ky dhe vetëm ky është faji im”, u shpreh Idrizi.

Kreu i PDIU-së konfirmoi më tej nisjen e negociatave për t’u bërë pjesë e opozitës zyrtare.

“Sot shpall para jush vendimin e kryesisë së PDIU që votoi në unanimitet që kryetari i PDIU të mandatohet për të përmbyllur marrëveshjen me opozitën zyrtare në vend e që së bashku të sjellim një realitet të ri për vendin e për të djathtën shqiptare që duhet t’i përmbledhë gjithë copëzat e saj në emër të një qëllimi të madh, nje politikë normale që t’i kundërvihet krimit, varfërisë, dhunës e arrogancës shtetërore, një politikë që do bashkojë shqiptarët dhe do kërkojë zgjidhje të mençura e larg gjuhës së urrejtjes për kauzën tonë e për të gjithë kauzat kombëtare”, theksoi Idrizi.

 

 

Të fundit