Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Idrizi dhe Doda në protestë: Nuk kërkojmë ndryshim kufijsh por të kthehemi në vatrat tona. Integrimi i Shqipërisë nuk kalon nga Greqia

Politiko 24 Shkurt 2018, 14:03
Idrizi dhe Doda në protestë: Nuk kërkojmë ndryshim kufijsh

Kreu i PDIU-së, Shpëtim Idrizi në fjalën e tij gjatë protestës së organizuar sot pranë Ambasadës së Greqisë në Tiranë, ka garantuar grekët se çamët nuk duan ndryshim kufijsh, por ata duan ndjesë dhe atdheun e tyre.

“Ne kërkojmë një falje të madhe publike për mijëra shqiptarë të Çamerisë që u vranë në shtëpitë e tyre, kërkojmë të kthehmi në vatrat tona. Duam atdheun tonë që është Çamëria. Ne duam që arvanitasit të shpallen minoritet etnik shqiptar. Dua t’i bëj një thirrje popullit grek dhe kryeminsitri grek: Ne nuk duam të ndryshojmë kufijtë por duam një ndjesë që të kemi mundësinë të falim, kërkojmë të jemi dy popuj miq sepse ndryshe do të jemi për ta ndërgjeja e tyre e vrarë. I drejtohem i detyruar Presidentit të Greqisë, ai flet për të drejtat e njeriut kur ka përzënë të gjitha minotritet”, tha Idrizi.

Idrizi ka kërkuar nga lideri i opozitës Lulzim Basha, Presidenti Ilir Meta, ministri i Jashtëm Ditmir Bushati dhe kryeministri Edi Rama që t’u rikthejnë shqiptarëve dinjitetin ndërsa ka theksuar se nga marrëveshja duhet të përfitojë edhe Shqipëria, jo vetëm Greqia.

“Për Ramën dhe Bushatin të vrarët në Shqipëri nuk janë njëlloj me grekët? Jam i bindur dhe ja lë Zotit sepse ai do të tregohet më i drejtë se sa ky soj që janë gjallë. Jemi këtu të bindur që deti, toka, atdheu, varrezat nuk janë të pushtetarëve. Ne nuk mund të negociojmë integritetin e Shqipërisë, ne vetëm mund ta ruajmë me identitet dhe t’ia trashëgojmë brezave. Duam dialog dhe jo marrëveshje që zgjidh vetëm problemet e Greqisë. Çamëria është makthi i kokave të shtetërore të Greqisë. Basha, Meta, Rama, Bushati, e keni për detyrë t’i jepni shqiptarëve identitet”, tha Idrizi.

“Një rrugë e gjatë e cila sapo ka nisur”, ky është përkufizimi i Mesila Dodës rreth protestës së sotme përballë Ambasadës Greke, duke lajmëruar se shqiptarët nuk do të ndalen në kërkesat e tyre.

Doda theksoi se Shqipëria nuk mund të kushtëzohet nga Greqia për procesin integrues, pasi e ardhmja është e orientuar nga Brukseli dhe Uashingtoni.

“Thuhet që duhet të bëhet theror e shkuara dhe ardhmja për hir të integrimit të Shqipërisë, integrimi shkon nga respektimi i ligjit, nga respektimi i të drejtave të lëvizjes, të pronës, të jetës dhe nuk mund të shkojë mbi shkeljen e të drejtave tona. Europa është Europa e vlerave njerëzore dhe ne nuk pranojmë Europë tjetër. Ne nuk pranojmë Europë që thotë se duhet të kalojë nga Greqia dhe nga Athina, nuk është ajo që ne duam dhe presim. E ardhmja jonë kalon nga Brukseli dhe Uashingtoni”, tha Doda.

Doda në fjalën e saj theksoi se të vdekurit duhet të trajtohen njëlloj, në një kohë kur “në njërin vend ka kocka pa varre dhe në vendin tonë duhet të ketë varre pa eshtra.”

Mogherini takon Tsiprasin: Bisedimet Athinë-Tiranë janë të rëndësishme për integrimin

Shpëtim Idrizi distancohet nga tre deputetët e PDIU? Lala, Bici dhe Xhina jashtë protestës për Çamërinë

Të fundit