Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Iku nga LSI-ja, deputetja sulmon kolegun: Karakter të dyfishtë, moral të denjë për një rilindas

Politiko 9 Korrik 2018, 13:12
Iku nga LSI-ja, deputetja sulmon kolegun: Karakter të dyfishtë, moral

Deputetja e LSI-së, Kejdi Mehmetaj, ka lëshuar një mori akuzash ndaj deputetit Rober Bitri i cili tashmë është larguar nga radhët e partisë së Monika Kryemadhit dhe figuron si deputeti i pavarur.

“Nuk kishte se si të mos bëhej sërish protagonist i shëmtisë së maxhorancës në përpjekjen për të prishur teatrin, edhe rilindasi më i ri i rilindjes së vjetër të Edi Ramës, përkatësisht Robert Bitri!”, shkruan Mehmetaj në rrjetin social Facebook.

Mungesë integriteti, karakter të dyfishtë, moral të denjë për një rilindas shëtitës, e cilëson Mehmetaj deputetin Bitri teksa i kërkon edhe të largohet nga karrigia që mban në sallën e Kuvendit.

Postimi i plotë i Kejdi Mehmetaj

Rilindasi i vonuar, alias Robert Bitri ...

Nuk kishte se si të mos bëhej sërish protagonist i shëmtisë së maxhorancës në përpjekjen për të prishur teatrin, edhe rilindasi më i ri i rilindjes së vjetër të Edi Ramës, përkatësisht Robert Bitri!

Sepse, megjithëse i ka sytë në ballë, e megjithëse nuk ka shfaqur simptoma çorientimi, nuk na ka dhënë ndonjë shenjë se nuk di as shkrim e as këndim, aq sa për të mos lexuar emrin e tij në kartën e vet apo edhe në monitorin e sallës së Kuvendit!

Mungesë integriteti, karakter të dyfishtë, moral të denjë për një rilindas shëtitës!

Ky është portreti i Robert Bitrit, rilindasit më të ri të rilindjes së vjetër të Edi Ramës, i cili nuk ka se përse të qëndrojë më as formalisht në rradhë me deputetët e LSI-së!

Të fundit