Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Il Giornale del Cibo/ Ku të hash në Tiranë: Pesë vende që nuk duhen humbur

Politiko 31 Gusht 2019, 09:52

Giulia Ubaldi/ Ilgiornaledelcibo.it

Tirana është e kundërta e plotë e asaj që mund të presësh. Për vite me radhë, në të vërtetë, ka qenë në krye të listës së kryeqyteteve më të këqij europianë, duke nxitur idenë e një qyteti gri me blloqe të mëdha kullash dhe pak gjëra për të parë. Gjërat, nga ana tjetër, nuk janë aspak të tilla, ose më saktë, ato kanë ndryshuar shumë kohët e fundit: para së gjithash është bërë punë në rindërtimin urban, që ka bërë që Tirana të jetë një qytet me ngjyra, plot stret-art; së dyti, sitet kulturore si Muzeu Historik Kombëtar, Xhamia e Et'hem Beut, apo Bunk'art janë rihapur për një zhytje në të kaluarën komuniste; dhe, së fundmi, jo më pak e rëndësishme, u përmirësua aspekti novator dhe enogastronomik, i cili, me hapjen e mjediseve të shumta, e bëri atë një kryeqytet të gjallë plot gjëra për të bërë. Ne kemi zgjedhur për ju pesë vende për të ngrënë në Tiranë për të shijuar plotësisht këtë atmosferë të re rrëzëllyese dhe jetësore.

+39 FOOD & CLUB

Zona e parë e jetës së natës është Blloku, afër sheshit të famshëm Skënderbej, pikërisht në qendër. Këtu njëri pas tjetrit, një bar dhe bistro ku mund të përjetoni plotësisht kulturën e kafesë, restorante të thjeshta ku mund të hani kuzhinën tradicionale shqiptare, deri në restorantet e shkëlqyera gourmet të chef-ave , madje edhe italianë, të cilët besuan dhe investuan në këtë qytet. Le të fillojmë me njërin prej tyre: Gennaro Esposito, një kuzhinier i njohur nga restoranti i yjeve Torre del Saracino në Vico Equense, në brigjet e Amalfit.

Ndër të parët kuzhinierë të mëdhenj italianë që i janë nënshtruar hijeshisë së Tiranës, është Gennaro Esposito, i cili ka vendosur, për momentin, të thërrasë restorantin e tij + 39. Një terren që ka sjellë menjëherë fryte, duke pasur parasysh suksesin e merituar që ka, me pjatat që janë njëra më e mirë se tjetra. Ato variojnë nga sallatat dhe hamburgerët e nivelit më të lartë dhe përbërësit e përzgjedhur mirë; tek klasikët e parë italianë të ekzekutuar në mënyrë të përsosur, të tilla si cacio e pepe.

ODA

Oda është vërtet e mirë. Ky, në të vërtetë, është një vend tradicional, i njohur, ekonomik, ku mund të provoni një kuzhi2në vërtet shtëpiake shqiptare, me mish të pjekur ose në skarë. Jo më pak e shijshme është fergesa, salca tipike e Tiranës e bërë me speca, ricotta, hudhra, qepë dhe erëza të ndryshme, për ta ngrënë me bukë. Më në fund, nuk do të dilni pa luhatje: në fund të vaktit është mirë të pini një përzgjedhje rakie, pra grapat e bëra në shtëpi me rrush ose kumbulla, shumë të zakonshme në Shqipëri dhe të prodhuara kryesisht brenda, në vende të tilla si Gjirokastra delicioze.

MULLIXHIU

Nuk mund të thuhet se keni qenë në Tiranë nëse nuk shkoni te Mullixhiu të paktën një herë. Bledar Kola, tashmë i njohur kudo, përfaqëson një krenari të vërtetë lokale dhe jo pa arsye, duke marrë parasysh ndryshimet e mëdha që ka sjellë në restorant dhe imazhin "e bukur" dhe pozitiv që po përhapet për Shqipërinë në të gjithë botën. Në fakt, përveç që ishte i ftuar nga Bottura, personalisht, në Al Mèni në Rimini, ai u rendit i treti në World Gourmet Society Best Plate me një pjatë që tani vetëm ai e gatuan trahana: është një supë me miell, kos, kripë , gjalpë, ujë dhe qumësht, të gjitha të grira dhe të lëna në diell, pastaj të shoqëruar me proshutë dhe copa bukë. Bledari është shumë i lidhur me traditën, në fakt pastat e tjera tipike shqiptare, si ato që duhet të provoni, ia vlen të provoni edhe shëtridhlat ose la dromsa, thërrime makaronash arbëreshe, domethënë grimca brumi që duhen gatuar direkt në salcën e domates.

SITA

Në realitet ushqimi në rrugë (street food) është shumë i zakonshëm në Shqipëri. Sidoqoftë, megjithatë, këto janë ushqime të skuqura, yndyrore dhe jo të shëndetshme; pra,në harmoni me idetë e tij, i njëjti Bledar Kola kohët e fundit ka hapur një kioskë në rrugë, ku përgatit pjata cilësore, të arritshme për të gjithë, me çmime të ulëta, veçanërisht për të qenë në gjendje të përhapet edhe ndër më të rinjtë, një kategori jo e zakonshme në klientelën e Mullixhiut. Edhe këtu zgjedhja e lëndës së parë është kryesore, me produkte vendase të gjitha të zgjedhura nga ai. Dhe gjithnjë për të ushqyer një kulturë ushqimore Kola ka zgjedhur të mos përdorë plastikë.

PADAM

Më në fund, i vendosur në zemër të qytetit, brenda një vile klasike që është edhe hotel, Padam, me një kuzhinë gourmet, të rafinuar dhe elegante. Këtu tradita shqiptare bashkëjeton në mënyrë të përkryer me disa ndikime të jashtme, mbi të gjitha italiane: kështu gjejmë zgjedhjen e djathrave vendas, së bashku me ato ndërkombëtare; supat klasike të Lindjes me pjata e para të makaronave italiane, siç janë të shkëlqyerat Spaghetto Verrigni alla carbonara. Dhe më pas shumë skarë, që siç kemi thënë tashmë, është mbretëresha e padiskutueshme e gatimit shqiptar, si për mish ashtu edhe për peshk. Pranë saj është një wine-bar me një qilar interesant verërash nga e gjithë bota.