Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Ilir Beqaj kujtohet për veriun dhe kritikon qeverinë e Ramës, deputeti i PD prej kohësh denoncon diskriminimin

Politiko 3 Maj 2018, 20:00
Ilir Beqaj kujtohet për veriun dhe kritikon qeverinë e Ramës,

Ilir Beqaj është deputet i Partisë Socialiste për qarkun e Dibrës dhe në legjislaturat e kaluara ka përfaqësuar edhe Shkodrën. E megjithatë, pas pesë vitesh në pushtet të partisë së tij, ai ka reaguar duke kritikuar qeverinë për diskriminim të veriut të vendit dhe lënien jashtë vëmendjes nga administrata qendrore.

“Nuk ka balancim mes zonave të Veriut dhe Jugut, në përzgjedhjen që është bërë dhe listat që janë përpiluar në këto projekte. Janë të paktën tre projekte, duke nisur me projektin “100 fshatrat”, për të vijuar me projektin “Festa e traditës”, si dhe me projektin “Itinerari i besimit”, ku ministritë e linjës duket se kanë dikriminuar zonat e Veriut të Shqipërisë. Duhen shmangur anshmëritë, me qëllim që të mos marrë terren paragjykimi i vjetër i dhënies prioritet të jugut mbi veriun”, është shprehur Beqaj.

Por ky shqetësim që ngrihet sot nga ish-ministri i Shëndetësisë, po denoncohet prej kohësh nga deputeti i Partisë Demokratike, Romeo Gurakuqi.

Që përpara miratimit të buxhetit të vitit 2018, Gurakuqi ka deklaruar në Kuvend se veriu i vendit ndodhet jashtë vëmendjes së qeverisë. Ai ka akuzuar kryeministrin Edi Rama se jep një buxhet shumë më të vogël për bashkitë e veriut krahasuar me ato të jugut, ndonëse numri i banorëve në disa raste është i barabartë.

Shqetësimet e Gurakuqit kanë qenë të lidhura kryesisht me Shkodrën, qarku që përfaqëson dhe që sipas tij nuk po merr vëmendjen dhe rolin që i takon si kryeqendra e veriut.

Deputeti i PD i shqetësuar për Shkodrën: Papunësia mbi 40%, forcat e reja intelektuale po largohen

Deputeti i PD propozon 7 pika për ringritjen e Shkodrës dhe të veriut: Drejtuesit në prapaskenën e PS, po zbatojnë “Republikën e terrorit”

Të fundit