Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Ilir Meta paralajmëron dështimin e negociatave për detin: Tsiprasit i uroj sukses në vizitën në Korçë, por agjenda e tij nuk më imponohet dot

Politiko 20 Shkurt 2018, 13:45
Ilir Meta paralajmëron dështimin e negociatave për detin:

Presidenti i Repubikës, Ilir Meta ka paralajmëruar dështimin e negociatave me Greqiën për marrëveshjen e detit, nëse Ministria e Jashtme nuk zbaton kërkesat që ai i ka drejtuar në letrën e bërë publike sot.

I pyetur në konferencë për vizitën e kryeministrit grek në Korçë dhe në Tiranë, në muajin prill, ku parashikohet nënshkrimi i marrëveshjes për detin, Meta i uroi suksese Aleksis Tsiprasit, por theksoi se agjenda e tij nuk mund t’i imponojë që të mos përmbushë detyrimet e tij si president i Shqipërisë.

Meta u shpreh se ia ka bërë të qartë pozicionin e tij qeverisë shqiptare dhe se nuk dëshiron të mbajë asnjë përgjegjësi të pamerituar për këtë çështje kaq të rëndësishme.

Ai ripërsëriti se presidenti i Republiës nuk ndikohet nga asnjë agjendë e brendshme dhe ndërkombëtare në zbatimin e Kushtetutës, ndërsa theksoi se deri më sot nuk ka asnjë informacion zyrtar për negociatat e zhvilluara deri më tani midis dy qeverive.

“Më lejoni të shpreh konsideratën më të thellë për kryeministrin Tsipras, për konstruktivitetin e tij edhe në situata të provokimeve të panevojshme. Kjo konsideratë më shtyn t’i uroj sukses në vizitën në Korçë, por agjenda nuk mund të më imponojë mua të mos përmbush detyrimet e mia, realizimit me sukses dhe përfundimtar të një marrëveshje historike që duhet të zgjidhet njëherë e përgjithmonë midis dy vendeve. Qeveria ka të drejtën e saj të bëjë të gjitha marrëveshjet që janë në kompetencat e saj, me qeverinë e Greqisë dhe qeveritë e tjera, por në këtë çështje ua bëra të qartë se kush është qëndrimi i presidentit të Republikës. Unë kam qenë këtu që prej 24 korrikut dhe deri më sot, institucioni i presidentit nuk ka asnjë informacion zyrtar nga Ministria e Jashtme lidhur me diskutimet që janë bërë me Ministrinë e Jashtme të Greqisë. Jo vetëm kaq, por i kam bërë të qartë ministrit të Jashtëm që për këtë çështje kaq të rëndësishme, bashkëpunimi do të jetë vetëm zyrtar, për të evituar çdo lloj spekulimi dhe keqkuptimi dhe përgjegjësie të pamerituar të presidentit të Republikës. Unë jam i qetë, jam i konstruktiv, jam i hapur të punoj gjithë natën për çështje ku kërkohet bashkëpunim, por unë mund të përgjigjem vetëm për sjelljen dhe detyrimet e mia institucionale. Presidenti nuk ndikohet nga asnjë agjendë e brendshme dhe ndërkombëtare në zbatimin e Kushtetutës së Shqipërisë”, u shpreh Meta.

Nëse ky vendim i Gjykatës Kushtetuese nuk i pëlqen qeverisë, tha Meta, le ta çojë këtë vendim sërish në Gjykatë, ose të bëjë votat dhe të ndryshojë Kushtetutën.

A synon presidenti të udhëheqë negociatat me Greqinë? Ilir Meta: Unë nuk jam ekspert, por nuk firmos në letër të bardhë

Meta zbardh kërkesën që përfaqësuesi i PD i bëri në Presidencë për negociatat me Greqinë

Të fundit