Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

"Imazhet nga Kakavija e Kapshtica turpërojnë të dyja vendet", Meta: Të bëhen tamponët falas në pikat kufitare ku ndodhen qytetarët

Politiko 16 Gusht 2020, 13:29
"Imazhet nga Kakavija e Kapshtica turpërojnë të dyja

Presidenti Ilir Meta ka reaguar lidhur me situatën kaotike në pikat kufitare të Kakavisë dhe Kapshticës, teksa i ka bërë thirrje qeverisë shqiptare që të realizojë falas për emigrantët testimin në vendin ku ata ndodhen dhe ku po presin në radhë.

Nëpërmjet një deklarate në rrjete sociale, Meta shprehet se qytetarët shqiptarë  nuk mund të trajtohen si të ishin pa atdhe apo pa shtet.

Më tej presidenti ka shtuar se janë të papranueshme aktet e forcës, ndërkohë që i ka bërë thirrje autoriteteve greke, që në respekt të frymës së fqinjësisë së mirë dhe lidhjeve të forta tradicionale mes dy popujve, të bëjnë të pamundurën për zgjidhjen e situatës.

STATUSI NGA ILIR META

Qytetarët shqiptarë, të cilët prej ditësh ndodhen në pikën e kalimit kufitar të Kakavijës, në kushte tejet të vështira dhe në prag të një krize humanitare, nuk mund të trajtohen si njerëz pa Atdhe dhe pa shtet.

Përsëris thirrjen e fortë drejtuar qeverisë shqiptare për të qëndruar pranë qytetarëve dhe për të marrë të gjitha masat, për informimin me transparencë, realizimin FALAS dhe në vendin ku ndodhen të tamponëve për COVID-19.

Kontaktet me Greqinë të jenë konstante dhe vetëm në funksion të një zgjidhjeje të menjëhershme.

Aktet e forcës janë të papranueshme!

I kërkoj autoriteteve greke, që në respekt të frymës së fqinjësisë së mirë dhe lidhjeve të forta tradicionale mes dy popujve, të bëjnë të pamundurën për zgjidhjen e situatës, imazhet e së cilës turpërojnë të dyja vendet.

ÇDO QYTETAR I REPUBLIKËS SË SHQIPËRISË MERITON TË TRAJTOHET ME DINJITET!

Të fundit